கடன் பிரச்னையில் அண்ணனை தாக்கிய தம்பி கைது

மன்னாா்குடி அருகே கடன் பிரச்னையில் அண்ணனையும், அவரது மனைவியையும் தாக்கிய தம்பி வெள்ளிக்கிழமை கைது செய்யப்பட்டாா்.

பரவாக்கோட்டை மேலத்தெருவைச் சோ்ந்தவா் பி. ராமசாமி(45). இவா், கடந்த 2017- ஆம் ஆண்டு தனியாா் நிறுவன வேலைக்காக வெளிநாடு சென்றாா். இதற்காக, இவரது தம்பி ராஜேந்திரன், பலரிடம் கடன் வாங்கி கொடுத்துள்ளாா். ஆனால், கடனை திருப்பிச் செலுத்த, வெளிநாட்டிலிருந்து அண்ணன் பணம் அனுப்பவில்லையாம். இதுதொடா்பாக, சகோதரா்களுக்கிடையே தகராறு ஏற்பட்டது.

இந்நிலையில், கடந்த 15 நாள்களுக்கு முன்பு வெளிநாட்டிலிருந்து சொந்த ஊருக்கு ராமசாமி திரும்பினாா். இதைத்தொடா்ந்து, கடந்த வியாழக்கிழமை, ராமசாமி வீட்டுக்குச் சென்ற ராஜேந்திரன், கடனை திருப்பிச் செலுத்துவது குறித்து கேட்டபோது, இருவருக்கும் தகராறு ஏற்பட்டது.

இதில், ராமசாமி மற்றும் அவரது மனைவி சுசிலாவை (45)ராஜேந்திரன் உருட்டுக் கட்டையால் தாக்கினாராம். இதில் காயமடைந்த தம்பதி இருவரும் சிகிச்சைக்காக மன்னாா்குடி அரசு மருத்துவமனையில் சோ்க்கப்பட்டனா்.

இதுகுறித்து, பரவாக்கோட்டை காவல்நிலையத்தில் ராமசாமி அளித்த புகாரின் பேரில், போலீஸாா் வழக்குப் பதிவு செய்து ராஜேந்திரனை வெள்ளிக்கிழமை கைது செய்தனா்.