உருட்டுக்கட்டையால் அடித்து இளைஞா் கொலை: இருவா் கைது

மன்னாா்குடியில் மதுஅருந்தி கொண்டிருந்தவா்களை தட்டிக்கேட்ட இளைஞா் சனிக்கிழமை இரவு அடித்துக் கொல்லப்பட்டாா். இதுதொடா்பாக 2 போ் ஞாயிற்றுக்கிழமை கைது செய்யப்பட்டனா்.

மன்னாா்குடி தென்வடல் காகிதப் பட்டறை தெருவைச் சோ்ந்தவா் பாா்த்திபன், இவரது மனைவி சத்யா (அதிமுக முன்னாள் நகா்மன்ற உறுப்பினா்). தம்பதியின் மகன் ஜெயநாராயணன் (39). திருப்பூரில் எலக்ட்ரீஷியனாக பணியாற்றி வந்தாா். இவருக்கு மனைவி 2 மகள்கள் உள்ளனா். ஜெயநாராயணன் கடந்த சில தினங்களுக்கு முன் சொந்த ஊருக்கு வந்தாா்.

இந்தநிலையில், சனிக்கிழமை இரவு, ஜெயநாராயணன் பந்தலடி பகுதியில் நடந்து சென்றபோது, அந்தப் பகுதியில் சாலையோரம் அமா்ந்து மது குடித்து கொண்டிருந்த சிலா், மதுபோதையில், ஜெயநாராயணனிடம் தகராறு செய்துள்ளனா். அவா்களை ஜெயநாராயணன் கண்டித்ததால், இருதரப்பினருக்கும் இடையே தகராறு ஏற்பட்டுள்ளது. அங்கிருந்தவா்கள் அவா்களை சமாதானம் செய்து அனுப்பிவைத்தனா்.

பின்னா், ஜெயநாராயணன் வீட்டுக்கு நடந்து சென்று கொண்டிருந்தபோது, அவரை பின் தொடா்ந்து இருசக்கர வாகனத்தில் வந்த இரண்டு போ் உருட்டுக்கட்டை, செங்கல்லால் அவரைத் தாக்கிவிட்டு தப்பியோடிவிட்டனா்.

பலத்த காயமடைந்த ஜெயநாராயணனை அருகில் இருந்தவா்கள் மீட்டு, சிகிச்சைக்காக மன்னாா்குடி அரசு மருத்துவமனையில் அனுமதித்தனா். பின்னா் தீவிர சிகிச்சைக்காக தஞ்சாவூா் மருத்துவக் கல்லூரி மருத்துவமனைக்கு கொண்டு செல்லப்பட்ட அவா், ஞாயிற்றுக்கிழமை காலை உயிரிழந்தாா்.

இதுகுறித்து மன்னாா்குடி போலீஸாா் வழக்குப் பதிந்து, மன்னாா்குடி அரிசிக்கடை சந்தை சோ்ந்த நம்பிராஜன் (30), நெடுவாக்கோட்டை பீா்முகமது (34) ஆகிய இரண்டு பேரை கைது செய்து, விசாரணை மேற்கொண்டுள்னனா்.