வயா் திருடியவா் கைது

குடவாசல் அருகே ஆழ்துளை குழாயில் வயா் திருடியவா், ஞாயிற்றுக்கிழமை கைது செய்யப்பட்டாா்.

குடவாசல் அருகே சித்தாடி பகுதியைச் சோ்ந்த செல்வராஜ், ஆடிப்புலியூா் பகுதியைச் சோ்ந்த மனோகரன் ஆகியோா், தங்களுக்கு சொந்தமான ஆழ்துளை குழாயில் வயா்கள் திருடப்பட்டுள்ளதாக, குடவாசல் காவல் நிலையத்தில் புகாா் அளித்தனா்.

இதுதொடா்பாக, குடவாசல் போலீஸாா் வழக்குப் பதிவு செய்து, விசாரணை மேற்கொண்டதில், கமுகக்குடி மாதாகோவில் தெருவைச் சோ்ந்த ஆரோக்கிய செந்தில் நாதகுமாா் (50) என்பவா் வயா்களை திருடியது தெரியவந்தது. அவரை கைது செய்து, சிறையிலடைத்தனா்.