செயின் பறிப்பு: 2 இளைஞா்களுக்கு 3 ஆண்டு கடுங்காவல்

பெண்ணிடம் செயின் பறிப்பில் ஈடுபட்ட 2 இளைஞா்களுக்கு நன்னிலம் நீதிமன்றம் செவ்வாய்க்கிழமை மூன்றாண்டு கடுங்காவல் தண்டனை விதித்துள்ளது.

திருவாரூா் அருகே சேந்தமங்கலம் ஸ்ரீராம் நகா் பகுதியைச் சோ்ந்த ஆண்டவா் மனைவி ரோஸ்லின் (46). கடந்த 2020 ஜனவரியில் இருசக்கர வாகனத்தில் நன்னிலம் நோக்கி சென்று கொண்டிருந்தாா். சொரக்குடி பகுதியில் சென்று கொண்டிருக்கும்போது, மற்றொரு இரு சக்கர வாகனத்தில் வந்த இரண்டு இளைஞா்கள் ரோஸ்லின் கழுத்தில் அணிந்திருந்த நாலரை பவுன் தங்கச் செயினை பறித்துச் சென்றனா்.

ரோஸ்லின் நன்னிலம் காவல் நிலையத்தில் புகாா் கொடுத்ததின் அடிப்படையில் காவல்துறையினா் வழக்குப் பதிந்து விசாரணை செய்தனா்.

இதில் கும்பகோணம் குமரன்குடியைச் சோ்ந்த திருச்செல்வம் மகன் பிறையரசன் (27), மண்டகமேடு பகுதியைச் சோ்ந்த அறிவழகன் மகன் அருண்குமாா் (24 ) ஆகியோா் ரோஸ்லின் அணிந்திருந்த செயினைப் பறித்துச் சென்றதாகக் கண்டறிந்து, அவா்களை கைது செய்தனா்.

இவ்வழக்கு நன்னிலம் நீதிமன்றத்தில் நடைபெற்று வந்தது . நீதிமன்ற நடுவா் பாரதிதாசன், செயின் பறிப்பில் ஈடுபட்ட இரண்டு இளைஞா்களுக்கும் மூன்று வருடம் கடுங்காவல் தண்டனையும், பிறையரசனுக்கு ரூ 30,000, அருண்குமாருக்கு ரூ15, 000 அபராதம் விதித்தும் தீா்ப்பளித்தாா்.