Enable Javscript for better performance
தில்யிலியில் தனித் தொகுதிகள் அனைத்திலும் வெற்றி உறுதி: ஹன்ஸ்ராஜ் ஹன்ஸ்- Dinamani

சுடச்சுட

    

    தில்யிலியில் தனித் தொகுதிகள் அனைத்திலும் வெற்றி உறுதி: ஹன்ஸ்ராஜ் ஹன்ஸ்

    By DIN  |   Published on : 01st December 2019 11:00 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புது தில்லி: வரும் சட்டப்பேரவைத் தோ்தலில் தில்லியில் உள்ள அனைத்துத் தனித் தொகுதிகளிலும் வெற்றி பெறுவோம் என்று வடமேற்கு தில்லி மக்களவைத் தொகுதி பாஜக உறுப்பினா் ஹன்ஸ்ராஜ் ஹன்ஸ் நம்பிக்கை தெரிவித்துள்ளாா்.

    தில்லி பாஜக அலுவலகத்தில் வால்மீகி சமூகத்தினரின் கருத்தரங்கம் ஞாயிற்றுக்கிழமை நடைபெற்றது. இதில், ஹன்ஸ்ராஜ் ஹன்ஸ், பாஜக தேசியச் செயலா் சித்தாா்த்தன், தில்லி பாஜக ஒடுக்கப்பட்டோா் பிரிவுத் தலைவா் மோகன் லால் உள்ளிட்டோா் கலந்து கொண்டனா்.

    நிகழ்ச்சியில் ஹன்ஸ்ராஜ் ஹன்ஸ் பேசியதாவது: நாட்டிலுள்ள அனைத்துத் தரப்பு மக்களுக்கும் தரமான கல்வியை வழங்கும் வகையில் ஒரு நாடு ஒரு கல்வித் திட்டத்தை அறிமுகப்படுத்த வேண்டும். அப்போதுதான் அனைவருக்கும் சமமான கல்வி கிடைக்கும். தில்லியில் துப்புரவுத் தொழிலாளா்கள் நலன், பாதுகாப்பு தொடா்பாக தில்லி அரசு கவனம் செலுத்தவில்லை. இதனால், அண்மையில், சாக்கடைக்குள் இறங்கித் துப்புரவுத் தொழில் செய்த தொழிலாளியொருவா் உயிரிழந்துள்ளாா்.

    துப்புரவுத் தொழிலில் ஈடுபடும் போது உயிரிழக்கும் தொழிலாளா்களுக்கு மாவீரா் அந்தஸ்து வழங்கப்பட வேண்டும். கடந்த 70 ஆண்டுகளில் தில்லியில் வால்மீகி சமூகத்தைச் சோ்ந்த நான் முதல்தடவையாகப் தோ்தலில் போட்டியிட்டேன். மக்கள் என்னை அதிகளவு வாக்குள் வித்தியாசத்தில் வெற்றி பெற வைத்துள்ளனா். வரும் சட்டப்பேரவைத் தோ்தலில் தில்லியில் உள்ள தனித் தொகுதிகள் அனைத்திலும் பாஜக வெற்றிபெறும். அதற்கு நாம் கடுமையாக உழைக்க வேண்டும். வரும் தோ்தலில் வால்மீகி சமூகத்தினா் ஒட்டுமொத்தமாக பாஜகவுக்கு ஆதரவளிப்பாா்கள் என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai