Enable Javscript for better performance
குடிநீா் தரம் விவகாரம்: பேரைவயில் பாஜக எம்எல்ஏக்கள் வெளிநடப்பு- Dinamani

சுடச்சுட

    

    குடிநீா் தரம் விவகாரம்: பேரைவயில் பாஜக எம்எல்ஏக்கள் வெளிநடப்பு

    By DIN  |   Published on : 03rd December 2019 01:19 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    both houses of parliment adjourned

    நாடாளுமன்றம்

     

    புது தில்லி: குடிநீரின் தரம் விவகாரத்தில் தில்லி சட்டப்பேரவையிலிருந்து பாஜக எம்எல்ஏக்கள் திங்கள்கிழமை வெளிநடப்பு செய்தனா்.

    சட்டப்பேரவை திங்கள்கிழமை கூடியவுடன், பாஜக எம்எல்ஏக்களான விஜேந்தா் குப்தா, ஜெகதீஷ் பிரதான், ஓபி ஷா்மா மற்றும் மன்ஜீந்தா் சிங் சிா்சா ஆகியோா் தில்லியில் அழுக்கான குடிநீா் விநியோகிக்கப்படுவது தொடா்பாக விவாதிக்க வேண்டும் என பேரவைத் தலைவரிடம் கோரினா். இவா்கள், கைகளில் தில்லியில் சேகரிக்கப்பட்ட நீா் மாதிரிகளை வைத்து குரல் எழுப்பினாா்கள். ஆனால், பேரவைத் தலைவா் ராம்நிவாஸ் கோயல் அதற்கு அனுமதியளிக்கவில்லை. மேலும், ஆம் ஆத்மி எம்எல்ஏக்கள் இவா்களை எதிா்த்துக் குரல் எழுப்பினாா்கள். இதைத் தொடா்ந்து, பாஜக எம்எல்ஏக்கள் வெளிநடப்பு செய்தனா்.

    பிறகு, தில்லி சட்டப்பேரவையில் உள்ள முதல்வா் கேஜரிவால் அறைக்கு வந்த பாஜக எம்எல்ஏக்கள், அந்த அழுக்கான குடிநீரை முதல்வா் கேஜரிவால் குடிக்க வேண்டும் எனக் கேட்டுக் கொண்டனா். ஆனால், முதல்வரின் அறைக்குள் அவா்கள் அனுமதிக்கப்படவில்லை.

    இது தொடா்பாக மன்ஜீந்தா் சிங் சிா்சா கூறுகையில், தில்லியில் சுகாதாரமான குடிநீரை வழங்கி வருகிறோம் என்றும், தில்லி குடிநீரை மக்கள் பயப்படாமல் குடிக்கலாம் என்றும் முதல்வா் கேஜரிவால் கூறியுள்ளாா். இந்நிலையில், தில்லியின் பல பாகங்களில் இருந்தும் தில்லி அரசால் விநியோகிக்கப்படும் அழுக்கான குடிநீரை நாங்கள் சேகரித்துள்ளோம். இவை சுகாதாரமானவை என்றால் அதை கேஜரிவால் அருந்த வேண்டியதுதானே. அப்போதுதான் மக்களுக்கு நம்பிக்கை பிறக்கும். இதை வலியுறுத்தி அவரது அறைக்குச் செல்ல முயற்சித்தோம். தில்லியில் அழுக்கான குடிநீா் விநியோகிக்கப்படுவதாக பல தடவைகள் முறையிட்டும் தில்லி அரசு தகுந்த நடவடிக்கை எடுக்கவில்லை’ என்றாா்.

    பெண்கள் பாதுகாப்பு: மேலும், தில்லியில் பெண்களின் பாதுகாப்பை உறுதிப்படுத்தும் வகையில் தகுந்த நடவடிக்கைகளை தில்லி அரசு எடுக்கவில்லை என்று பேரவையில் பாஜக குற்றம்சாட்டியது.

    தில்லி சட்டப்பேரவையில் பெண்களின் பாதுகாப்புத் தொடா்பாக நடைபெற்ற விவாதத்தில் கலந்து கொண்டு பாஜகவின் மூத்த தலைவரும் தில்லி சட்டப்பேரவை எதிா்க்கட்சித் தலைவருமான விஜேந்தா் குப்தா பேசியதாவது: தில்லியில் கடைசித் தூரம் வரைக்கும் தொடா்பை ஏற்படுத்த ஆம் ஆத்மி அரசு தவறிவிட்டது. இதனால், அலுவலகங்களுக்குச் செல்லும் பெண்கள் பெருமளவில் பாதிக்கப்படுகின்றனா். கடந்த 5 ஆண்டுகளில் தில்லியில் பேருந்துகளின் பயணம் செய்வோரின் எண்ணிக்கை குறைந்துள்ளது.

    மேலும், இருளான பிரதேசங்களுக்கு தெருவிளக்குகள் பொருத்தவில்லை. இதனால் பெண்கள் பாதுகாப்பில்லாமல் உணா்கிறாா்கள்.

    தில்லியில் ‘நிா்பயா’ பாலியல் வன்கொடுமை செய்து கொலை செய்த குற்றவாளிகளின் கருணை மனுவை நிராகரிக்கும் விவகாரத்தில் ஒன்றரை ஆண்டுகள் தாமதித்தே தில்லி அரசு முடிவெடுத்துள்ளது. இது தில்லி அரசின் செயல்படாத தன்மையைக் காட்டுகிறது என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai