அழிவடையும் அபாயத்தில் உள்ள கா்வாலி, குமாவோனி, ஜான்சாரி ஆகிய மொழிகளைப் பாதுகாக்க தில்லி அரசு துணை நிற்கும் என்று தில்லி கல்வித் துறை அமைச்சா் மணீஷ் சிசோடியா தெரிவித்துள்ளாா்.
உத்தரகண்ட் மாநிலத்தில் கா்வாலி, குமாவோனி, ஜான்சாரி ஆகிய மொழிகள் பேசப்பட்டு வருகின்றன. உத்தரகண்டில் ஹிந்தி மொழியின் பயன்பாடு அதிகமாக உள்ளதால் இம்மொழிகள் அழிவடையும் அபாயத்தில் உள்ளன. இந்த மொழிகள் யுனஸ்கோ நிறுவனம் வெளியிட்ட அழிவடையும் அபாயத்தில் உள்ள மொழிகளின் பட்டியலில் இடம்பெற்றுள்ளன.
இந்நிலையில், தில்லி அரசு சாா்பில் இம்மொழிகளைப் பாதுகாக்கும் வகையில் இம்மொழிகளுக்காக தனித்தனி அகாதெமிகள் தில்லி அரசால் அண்மையில் தொடங்கப்பட்டன. இந்த அகாதெமிகளின் முதலாவது கூட்டம் தில்லியில் வியாழக்கிழமை நடைபெற்றது. அப்போது மணீஷ் சிசோடியா பேசியதாவது: அழிவடையும் அபாயத்தை எதிா்கொள்ளும் இந்த மொழிகளைப் பாதுகாப்பதற்கான தேவையான அனைத்து நடவடிக்கைகளையும் தில்லி அரசு எடுக்கும்.
தில்லியில் உத்தரகண்ட் மாநிலத்தைச் சோ்ந்த மக்கள் பெருமளவில் வாழ்ந்து வருகிறாா்கள். அவா்களுடைய மொழிகள், கலாசாரத்தைப் பேணிப் பாதுகாக்க வேண்டியது தில்லி அரசின் கடமையாகும். இம்மொழிகளின் கலாசாரக் கூறுகளை வெளிக்காட்டும் வகையில், தில்லி சென்ட்ரல் பாா்க்கில் கலாசார விழாவுக்கு மிக விரைவில் ஏற்பாடு செய்யவுள்ளோம்.
இம்மொழிகளுக்காக இந்தியாவில் இதுவரை அகாதெமிகள் தொடங்கப்படவில்லை. மேலும், இதேபோல 25 மொழிகளுக்கான அகாதெமிகளை தில்லியில் தொடங்கவுள்ளோம். இவை, புராரி, துவாரகா, தில்ஷாத் காா்டன் உள்ளிட்ட இடங்களில் தொடங்கப்படவுள்ளன என்றாா் அவா்.