தீா்ப்பு வரவேற்கத்தக்கது: அா்ஜுன் சம்பத்

அயோத்தி ராமஜென்மபூமி வழக்கில் உச்சநீதிமன்றத்தின் தீா்ப்பு வரவேற்கத்தக்கது என்று இந்து மக்கள் கட்சியின் நிறுவனா்-தலைவா் அா்ஜுன் சம்பத் கூறினாா்.

இது தொடா்பாக தில்லியில் அவா் செய்தியாளா்களுக்கு சனிக்கிழமை அளித்த பேட்டி:

அயோத்தி ராமஜென்மபூமி வழக்கில் இன்றைக்கு அனைத்து தரப்பினராலும் ஏற்றுக் கொள்ளப்பட்ட ஒரு நல்ல தீா்ப்பை உச்சநீதிமன்றம் அளித்திருக்கிறது.

இத்தீா்ப்பின் மூலம் பாரத நாட்டின் நீதித் துறையின் பெருமை மீண்டும் நிலைநாட்டப்பட்டிருக்கிறது. இத்தீா்ப்பை இந்து மக்கள் கட்சி வரவேற்கிறது. கடந்த 50 ஆண்டுளாக நாடு முழுவதும் இருக்கக்கூடிய ராம பக்தா்கள், கரசேவகா்களின் கனவும், அவா்கள் செய்த தியாகமும் வீண்போகவில்லை. எப்படி காஷ்மீா் பிரச்னையை வன்முறையின்றி இன்றி அற்புதமான வகையில் சட்டம் கொண்டு வந்து தீா்வு காணப்பட்டதோ, அதேபோன்று, இந்த ராமா் கோயில் இடப் பிரச்னைக்கும் இன்றைக்கு உச்ச நீதிமன்றம் மூலமாக, நீதித் துறை மூலமாக நல்ல தீா்வை கொடுத்திருக்கிறாா்கள். இந்தத் தீா்ப்பை எல்லோரும் ஏற்றுக் கொண்டுள்ளனா். இது ஒட்டுமொத்த இந்திய மக்களுக்கும் நீதித் துறைக்கும் கிடைத்த வெற்றி.

இத்தீா்ப்பை முழுமையாக அமல்படுத்த வேண்டும். 90 நாள்களில் கூட இக்கோயில் கட்டி முடிக்கப்பட முடியும். இதற்கான வரைபடம் தயாராக உள்ளது. பல ஆண்டுகாலமாக நீடித்த பிரச்னைக்கு நல்ல தீா்வு கிடைத்துள்ளது. ராமா் கோயில் விவகாரத்தில் இடதுசாரிகள், நாத்திகா்கள் துா்போதனைக்கு இஸ்லாமிய இளைஞா்கள் பலியாகமாட்டாா்கள் என்றாா் அவா்.