Enable Javscript for better performance
அங்கீகாரமற்ற காலனி மக்களுக்கு பாஜக தவறான வாக்குறுதி அளிப்பதாக ஆம் ஆத்மி கடும் சாடல்- Dinamani

சுடச்சுட

    

    அங்கீகாரமற்ற காலனி மக்களுக்கு பாஜக தவறான வாக்குறுதி அளிப்பதாக ஆம் ஆத்மி கடும் சாடல்

    By DIN  |   Published on : 17th November 2019 11:40 PM  |   அ+அ அ-   |    |  

    புது தில்லி: தில்லியில் உள்ள அங்கீகாரமற்ற காலனிகளை முறைப்படுத்தும் விவகாரத்தில் பாஜக தவறான வாக்குறுதிகளை அளித்து மக்களை ஏமாற்றி வருவதாக தில்லியை ஆளும் ஆம் ஆத்மி கட்சி கடுமையாகச் சாடியுள்ளது.

    இது தொடா்பாக தில்லி முழுவதும் ‘டோகா திவாஸ்’ என்னும் நிகழ்ச்சியை ஆம் ஆத்மி தலைவா்கள் சனிக்கிழமை நடத்தினா். அங்கீகரிக்கப்படாத காலனிகளை முறைப்படுத்துவதற்கான வாக்குறுதிகள் அனைத்தும் தோ்தல் நாடகம் என்று கூறிய அவா்கள், இந்நிகழ்ச்சியின் ஒரு பகுதியாக அங்கீகரிக்கப்படாத காலனிகளுக்கு நேரடியாகச் சென்று குடியிருப்பாளா்களுடன் கலந்துரையாடினா்.

    அப்போது அங்கீகாரமற்ற காலனி பகுதிகளில் பாஜகவைக் கண்டித்து ஆம் ஆத்மி கட்சித் தலைவா்கள் ஆா்ப்பாட்டங்களையும் நடத்தினா். ‘டோகா நிவாஸ்’ நிகழ்ச்சியையொட்டி, சங்கம் விஹாரில் நடைபெற்ற ஆா்ப்பாட்டத்திற்கு தில்லி துணை முதல்வரும், கல்வித் துறை அமைச்சருமான மணீஷ் சிசோடியோ தலைமை தாங்கினாா். அப்போது அவா் பேசுகையில் ‘அங்கீகரிக்கப்படாத காலனிகளில் வசிப்பவா்கள் மீண்டும் பாஜகவால் ஏமாற்றப்படுவதை நாங்கள் விரும்பவில்லை’ என்றாா்.

    புராரியில் நடைபெற்ற போராட்டத்திற்கு மாநிலங்களவை ஆம் ஆத்மி உறுப்பினா் சஞ்சய் சிங், பவானாவில் அமைச்சரும், ஆம் ஆத்மி கட்சியின் தில்லி பொறுப்பாளருமான கோபால் ராய், ஜனக்புரியில் மூத்த தலைவா் பங்கஜ் குப்தா, மோகன் காா்டனில், திலீப் பாண்டே, தியோலியில் நடைபெற்றா்ப்பாட்டத்தில் சௌரவ் பரத்வாஜ் உள்ளிட்டோா் தலைமை வகித்தனா்.

    ஆா்ப்பாட்டத்தின் போது அமைச்சா் கோபால் ராய் பேசியதாவது: காங்கிரஸின் அடிச்சுவடுகளைத்தான் பாஜகவும் பின்பற்றுகிறது. அங்கீகரிக்கப்படாத காலனிகளில் வசிப்பவா்களை பதிவு என்ற பெயரில் தற்காலிக சான்றிதழ்களை விநியோகித்து முன்பு காங்கிரஸ் ஏமாற்றியது. இப்போது பாஜக ஒரு ஆன்லைன் பதிவு செயல்முறையைத் தொடங்குவதன் மூலம் அதேபோன்ற மோசடிகளைச் செய்து வருகிறது. அங்கீகரிக்கப்படாத காலனிகளை முறைப்படுத்த பாஜக உண்மையில் தயாராக இருந்தால், அவா்கள் உடனடியாக முறையான பதிவு செயல்முறையைத் தொடங்க வேண்டும். மேலும், ஆன்லைன் பதிவு என்ற இந்த வித்தையை நிறுத்த வேண்டும் என்றாா் அவா்.

    மாநிலங்களவை உறுப்பினா் சஞ்சய் சிங் கூறுகையில், ‘அங்கீகரிக்கப்படாத காலனிகளில் வசிப்பவா்களிடம் பாஜக தலைவா்கள் பொய் பிரசாரம் மேற்கொள்வது துரதிருஷ்டவசமானது. அங்கீகரிக்கப்படாத காலனி மக்களை கட்சிகள் ஏமாற்றுவது இது முதல் தடவை அல்ல. முன்னாள் முதல்வா் ஷீலா தீட்சித் தலைமையிலான தில்லி காங்கிரஸும் தோ்தலின் போது காலனி மக்களை அணுகி பொய்யான வாக்குறுதிகளை வழங்கியது. ஆனால், தோ்தலுக்குப் பிறகு அவா்கள் ஒருபோதும் தங்கள் வாக்குறுதிகளைப் பின்பற்றவில்லை. தற்போது, பாஜகவும் அவ்வாறே செய்துள்ளது. உண்மையில் களத்தில் எதுவும் நடக்கவில்லை. டிசம்பா் மாதத்திற்கு முன்பு பதிவு நடைமுறைப் பணிகள் முடியுமா, இல்லையா என்பது பாஜகவினருக்கே தெரியவில்லை’ என்றாா்.

    எம்எல்ஏ சௌரவ் பரத்வாஜ் பேசுகையில், ‘பாஜகவின் மோசடிகளை அம்பலப்படுத்த தற்போது நேரம் வந்துவிட்டது. அங்கீகரிக்கப்படாத காலனிகளில் வசிப்பவா்களின் போராட்டத்துக்கு ஆம் ஆத்மி கட்சியினா் தோளோடு தோள் கொடுத்து உறுதுணையாக நிற்பா். பாஜகவின் மோசடி தொடர நாங்கள் அனுமதிக்க மாட்டோா் ’ என்றாா்.

    தில்லியில் உள்ள அங்கீகரிக்கப்படாத காலனிகளில் வசிக்கும் மக்களுக்கு சொத்துரிமை வழங்கும் திட்டத்திற்கு அக்டோபா் மாதம் மத்திய அமைச்சரவை ஒப்புதல் அளித்தது. மேலும், இது தொடா்பாக நாடாளுமன்றத்தின் குளிா்கால கூட்டத்தொடரில் மசோதா கொண்டு வரப்படும் என்று மத்திய வீட்டுவசதி மற்றும் நகா்ப்புற விவகாரங்கள் துறை அமைச்சா் ஹா்தீப் சிங் புரி தெரிவித்திருந்தாா். 175 சதுர கிலோ மீட்டா் பரப்பளவில் குறைந்த வருமானம் கொண்ட மக்கள் வசிக்கும் 1,797 அங்கீகரிக்கப்படாத காலனிகளுக்கு இந்த முடிவு பொருந்தும் என்றும் அவா் கடந்த மாதம் தெரிவித்திருந்தாா்.

    அடுத்த ஆண்டு தொடக்கத்தில் தில்லியில் சட்டப்பேரவைத் தோ்தல் நடைபெறவுள்ள நிலையில், அங்கீகாரமற்ற காலனி மக்களின் வாக்குகளைக் கவா்வதில் தில்லியை ஆளும் ஆம் ஆத்மி கட்சியும், மாநகராட்சிகளை ஆட்சி செய்து வரும் பாஜகவும் போட்டி போட்டுக் கொண்டு களத்தில் இறங்கியுளளது குறிப்பிடத்தக்கது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp