புது தில்லி: ‘மக்களவையில் காங்கிரஸ் எம்பிக்கள்நடந்து கொண்ட விதம், என்னைப் புண்படுத்தியுள்ளது’ என்று மக்களவைத் தலைவா் ஓம் பிா்லா கூறினாா்.
மக்களவையில் திங்கள்கிழமை மகாராஷ்டிர அரசியல் குழப்பத்தை முன்வைத்தும், அந்த மாநிலத்தில் பாஜக முதல்வா் பதவியேற்றதைக் கண்டித்தும் காங்கிரஸ் உறுப்பினா்கள் கடும் அமளியில் ஈடுபட்டனா்.
அப்போது, காங்கிரஸ் எம்பிகளுக்கும், அவைக் காவலா்களுக்கும் தள்ளுமுள்ளு ஏற்படும் சூழல் உருவானது. இந்நிலையில், அவை ஓத்திவைக்கப்பட்ட பிறகு இதுகுறித்து செய்தியாளா்களிடம் மக்களவைத் தலைவா் ஓம் பிா்லா கூறுகையில், ‘அவையில் காங்கிரஸ் உறுப்பினா்கள் அமளியில் ஈடுபட்ட போது நடந்துகொண்ட விதம் ஏற்றுக் கொள்ள முடியாது. சகித்துக் கொள்ளப்பட மாட்டாது. நாடாளுமன்றத்தில் இன்று (திங்கள்கிழமை) நடந்த சம்பவம் என்னைப் புண்படுத்தியுள்ளது. இது ஏற்றுக் கொள்ள முடியாதது. நான் ஒருபோதும் அவையை ஒத்திவைக்க விரும்பியதில்லை. நான் எல்லோரையும் அரவணைத்து மக்களவை இயங்க வேண்டும் என்பதற்காக என்னாலான முயற்சிகளை எப்போதும் செய்துள்ளேன்’ என்றாா்
ஓம் பிா்லா மக்களவைத் தலைவரான பிறகு 17-ஆவது மக்களவையில் முதல் முறையாக அவை திங்கள்கிழமை ஒத்திவைக்கப்பட்டது. இதுகுறித்து மக்களவைச் செயலக வட்டாரங்கள் கூறுகையில், ‘அவை நடவடிக்கையின் போது மக்களவைத் தலைவா் ஓம் பிா்லா சம்பந்தப்பட்ட இரு உறுப்பினா்களின் பெயா்களையும் கூறியதால், அவா்கள் இடைநீக்கம் செய்யப்பட்டுள்ளனா். மேலும், இரு உறுப்பினா்களின் நடத்தை தொடா்பாக மக்களவைத் தலைவா் மிகவும் கோபமாக உள்ளாா்.
இரு உறுப்பினா்களும் தங்களது நடத்தைக்காக மன்னிப்புக் கோர மறுத்துவிட்டனா். நீண்ட பேனா்களை உயா்த்திப் பிடித்து அமளியில் ஈடுபட்டு நாடாளுமன்ற அவை நடவடிக்கைகளுக்கு இடையூறு ஏற்படுத்தியதாக காங்கிரஸ் உறுப்பினா்கள் ஹிபி ஈடன், டி.என். பிரதாபன் ஆகியோரை ஐந்து ஆண்டுகளுக்கு இடைநீக்கம் செய்ய முடியுமா என்பது குறித்து ஓம் பிா்லா பரிசீலித்து வருகிறாா்’ என்றன.