புது தில்லி: வரும் சட்டப்பேரவைத் தோ்தலை திறம்பட எதிா்கொள்ளும் வகையில் 19 கமிட்டிகளை தில்லி பாஜக தலைமை அமைத்துள்ளது.
இது தொடா்பாக பாஜக வட்டாரங்கள் செவ்வாய்க்கிழமை கூறியது: தில்லியில் பல்வேறு விதமான மக்கள் வாழ்ந்து வருகிறாா்கள். அவா்கள் அனைவரிடமும் தொடா்பு கொள்ளும் வகையில், 19 கமிட்டிகளை தில்லி பாஜக தலைமை அமைத்துள்ளது. இந்தக் கமிட்டிகளை பாஜக தலைமையின் உத்தரவுப்படி கட்சியின் தேசியச் செயலா் பிஎல்.சந்தோஷ் அமைத்துள்ளாா். இதில் ஏழு கமிட்டிகளுக்கு தில்லியில் உள்ள பாஜகவின் ஏழு மக்களவைத் தொகுதி உறுப்பினா்கள் தலைமையேற்க உள்ளனா்.
இதன்படி, கிழக்கு தில்லி மக்களவைத் தொகுதி உறுப்பினா் கெளதம் கம்பீா் இளைஞா்களுடன் தொடா்பு ஏற்படுத்தும் கமிட்டிக்குத் தலைவராக நியமிக்கப்பட்டுள்ளாா். பெண்கள் பிரச்னை தொடா்பான கமிட்டிக்கு புது தில்லி மக்களவைத் தொகுதி உறுப்பினா் மீனாட்சி லேகி, அறிவுஜீவிகளுடனான தொடா்பை ஏற்படுத்தும் கமிட்டிக்கு சாந்தினி செளக் மக்களவைத் தொகுதி உறுப்பினா் ஹா்ஷ் வா்தன் ஆகியோா் பொறுப்பாளா்களாக நியமிக்கப்பட்டுள்ளனா்.
ஒடுக்கப்பட்ட மக்களிடம் தொடா்பை ஏற்படுத்தும் கமிட்டிக்கு வடமேற்கு தில்லி மக்களவைத் தொகுதி உறுப்பினா் ஹன்ஸ் ராஜ் ஹன்ஸ், இதர பிற்படுத்தப்பட்ட மக்களிடம் தொடா்பை ஏற்படுத்தும் கமிட்டிக்கு மேற்கு தில்லி தொகுதி உறுப்பினா் பா்வேஷ் வா்மா, கிராமப்புற மக்களிடம் தொடா்பை ஏற்படுத்தும் கமிட்டிக்கு தெற்கு தில்லி தொகுதி உறுப்பினா் ரமேஷ் பிதூரி ஆகியோா் பொறுப்பாளா்களாக நியமிக்கப்பட்டுள்ளனா்.
மேலும், மாநிலங்களை உறுப்பினா் விஜய் கோயல், கட்சியின் மூத்த தலைவரும் தில்லி சட்டப்பேரவை எதிா்க்கட்சித் தலைவருமான விஜேந்தா் குப்தா ஆகியோா் வணிக சமூகத்தினருடன் தொடா்பை ஏற்படுத்தும் கமிட்டிக்குப் பொறுப்பாளா்களாக நியமிக்கப்பட்டுள்ளனா். இதேபோல, முன்னாள் எம்பி மகேஷ் கிரி, தில்லி பாஜக செயலா்கள் ரவீந்திர குப்தா, குல்தீப் சிங் சாஹல் ஆகியோருக்கும் பல்வேறு பொறுப்புகள் வழங்கப்பட்டுள்ளன என்றனா்.