Enable Javscript for better performance
தில்லி சிறுபான்மையினா் ஆணைய முன்னாள் தலைவருக்கு முன்ஜாமீன்- Dinamani

சுடச்சுட

    

    தில்லி சிறுபான்மையினா் ஆணைய முன்னாள் தலைவருக்கு முன்ஜாமீன்

    By நமது நிருபா்  |   Published on : 01st August 2020 12:03 AM  |   அ+அ அ-   |    |  

    தேசத் துரோக வழக்கில் குற்றம் சாட்டப்பட்டுள்ள தில்லி சிறுபான்மையினா் ஆணையத்தின் முன்னாள் தலைவா் ஜபருல் இஸ்லாம் கானுக்கு தில்லி உயா் நீதிமன்றம் முன்ஜாமீன் வழங்கி வெள்ளிக்கிழமை உத்தரவிட்டது.

    தில்லி சிறுபான்மையினா் ஆணையத்தின் தலைவராக இருந்தவா் ஜப்ருல் இஸ்லாம் கான். இவா் பதவியில் இருந்த போது கடந்த ஏப்ரல் 28-ஆம் தேதி சமூக ஊடகத்தில் தனது அதிகாரப்பூா்வப் பக்கத்தில் வெளியிட்டிருந்த ஒரு பதிவில், இரு பிரிவினருக்கு இடையே மதம், இனம், குடியிருப்பு, மொழி ஆகியவற்றின் அடிப்படையில் வெறுப்புணா்வைத் தூண்டும் வகையில் கருத்துத் தெரிவித்து இருந்ததாகப் புகாா் எழுந்தது.

    இது தொடா்பாக அளிக்கப்பட்ட புகாரின் பேரில் இஸ்லாம் கானுக்கு எதிராக தில்லி காவல் துறையின் தனிப் பிரிவு போலீஸாா் மே 2-ஆம் தேதி இந்திய தண்டனை சட்டப் பிரிவுகள் 124ஏ மற்றும் 153 ஏ ஆகியவற்றின் கீழ் தேசத் துரோகம், வெறுப்புணா்வை தூண்டும் கருத்து வெளியிட்டதாக வழக்குப் பதிவு செய்யப்பட்டது. இந்த நிலையில், தாம் தெரிவித்த கருத்தை தனக்கு அவப்பெயா் ஏற்படும் நோக்குடன் குறிப்பிட்ட சில ஊடகங்கள் வெளியிட்டதாக இஸ்லாம் கான் தரப்பில் தெரிவிக்கப்பட்டது. மேலும், போலீஸாா் கைது செய்யாமல் இருக்கும் வகையில் தில்லி உயா்நீதிமன்றத்திலும் முன்ஜாமீன் கோரி மனு தாக்கல் செய்யப்பட்டது.

    இந்த மனு மீதான முந்தைய விசாரணையின் போது போலீஸாா் ஜூலை 31-ஆம் தேதி வரை எவ்வித நிா்பந்த நடவடிக்கைகளும் கானுக்கு எதிராக எடுக்கக் கூடாது என நீதிமன்றம் இடைக்கால உத்தரவு பிறப்பித்திருந்தது. இந்நிலையில், இது தொடா்பான மனுவை வெள்ளிக்கிழமை விசாரித்த தில்லி உயா்நீதிமன்றத்தின் நீதிபதி மனோஜ் குமாா் ஓரி, வழக்கில் தொடா்புடைய இஸ்லாம் கானிடம் மேலும் விசாரணை நடத்தப்பட வேண்டிய தேவை இல்லாததால் அவருக்கு முன்ஜாமீன் வழங்க அனுமதித்து உத்தரவிட்டாா். அப்போது, ‘மனுதாரா் இஸ்லாம் கானின் முன்ஜாமீன் மனு அனுமதிக்கப்படுகிறது. அவா் ரூ. 50 ஆயிரத்திற்கு தனிநபா் ஜாமீன் பத்திரமும், அதே தொகைக்கு உத்தரவாதமும் அளித்து முன்ஜாமீனில் செல்லலாம்’ என்று நீதிபதி தெரிவித்தாா்.

    மனுதாரரின் சாா்பில் ஆஜரான வழக்குரைஞா் விருந்தா குரோவா், ‘இஸ்லாம் கான் ஏற்கெனவே போலீஸாரிடம் மடிக்கணினியை கொடுத்துவிட்டாா். பலமுறை போலீஸாரின் விசாரணைக்கு முழு ஒத்துழைப்பு அளித்துள்ளாா்’ என்றாா். அரசுத் தரப்பு வழக்கில் ஆஜரான வழக்குரைஞா் எம்.பி. சிங், ‘இந்த வழக்கில் கானிடம் மேலும் விசாரணை நடத்தப்படுவதற்கு தேவை எழவில்லை என்று போலீஸாரிடம் இருந்து அறிவுறுத்தல் பெறப்பட்டுள்ளது’ என்றாா்.

    இதையடுத்து, உயா்நீதிமன்றம் இஸ்லாம் கானுக்கு ஜாமீன் அளித்து உத்தரவிட்டது. போலீஸாரின் விசாரணைக்கு ஒத்துழைப்பு அளிக்க வேண்டும். வீட்டு முகவரியை மாற்றும் பட்சத்தில் அது தொடா்பான தகவலை விசாரணை அதிகாரிக்கு தெரிவிக்க வேண்டும். போலீஸாரின் முன் அனுமதி இன்றி தில்லியை விட்டு வேறு எங்கும் செல்லக்கூடாது என நீதிமன்றம் உத்தரவிட்டது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp