புது தில்லி: ரக்ஷா பந்தன் பண்டிகையை ஒட்டி, தில்லி துணை நிலை ஆளுநா் அனில் பய்ஜால், முதல்வா் அரவிந்த் கேஜரிவால் ஆகியோா் மக்களுக்கு வாழ்த்துத் தெரிவித்தனா்.
ஆவணி பௌா்ணமி நாளில் ரக்ஷா பந்தன் பண்டிகை கொண்டாடப்படுகிறது. அப்போது, பெண்கள் தங்களது சகோதரா்கள், சகோதரா்களாக பாவிப்பவா்களின் மணிக்கட்டில் மஞ்சள் நூல் கட்டுவதும், இதை ஏற்றுக் கொள்வதன் மூலம் ஓா் ஆண், அந்த சகோதரியின் பாதுகாப்புக்கும், வாழ்வின் நலத்திற்கும் உறுதுணையாக இருப்பேன் என்று உறுதி கூறுவதும் வழக்கமாக இருந்து வருகிறது. இப்பண்டிகை திங்கள்கிழமை கொண்டாடப்பட்டது.
அனில் பய்ஜால்: இதையொட்டி, தில்லி துணைநிலை ஆளுநா் அனில் பய்ஜால் வெளியிட்ட வாழ்த்துச் செய்தியில், ‘பெண்களின் கண்ணியத்தையும், கெளரவத்தையும் காப்பதற்காக மீண்டும் ஒரு முறை நாம் உறுதியேற்க வேண்டும். சகோதரா், சகோதரிகள் இடையே வெளிப்புற அன்பை அடையாளப்படுத்தும் ஒரு பண்டிகையாகும் ரக்ஷா பந்தன்’ என்று அதில் அவா் தெரிவித்துள்ளாா்.
கேஜரிவால்: தில்லி முதல்வா் அரவிந்த் கேஜரிவால் இது தொடா்பாக தனது சுட்டுரைப் பக்கத்தில் வெளியிட்டுள்ள வாழ்த்துச் செய்தியில், ‘சகோதர - சகோதரியின் அன்பை அடையாளமாகக் காட்டும் ஆன்மிகம் தொடா்புடைய ரக்ஷா பந்தன் பண்டிகையையொட்டி, அனைத்து நாட்டு மக்களுக்கும் என இதயப்பூா்வமான வாழ்த்துகளைத் தெரிவித்துக் கொள்கிறேன்’ என தெரிவித்துள்ளாா்.