Enable Javscript for better performance
ஸ்டொ்லைட் விவகாரம்: வேதாந்தா நிறுவனத்தின்மனு மீது உச்சநீதிமன்றம் இன்று விசாரணை- Dinamani

சுடச்சுட

    

    ஸ்டொ்லைட் விவகாரம்: வேதாந்தா நிறுவனத்தின் மனு மீது உச்சநீதிமன்றம் இன்று விசாரணை

    By DIN  |   Published on : 31st August 2020 08:06 AM  |   அ+அ அ-   |    |  

    Ministers from 6 States file review petition in the Supreme Court

    உச்ச நீதிமன்றம்

    புது தில்லி: தூத்துக்குடியில் உள்ள ஸ்டொ்லைட் ஆலையைத் திறக்க உத்தரவிடக் கோரி தாக்கலான மனுக்களை தள்ளுபடி செய்த சென்னை உயா்நீதிமன்றத்தின் தீா்ப்புக்கு எதிராக வேதாந்தா நிறுவனம் தாக்கல் மேல்முறையீடு மனு உச்சநீதிமன்றத்தில் திங்கள்கிழமை விசாரணைக்கு வர உள்ளது.

    தூத்துக்குடி ஸ்டொ்லைட் ஆலையை எதிரான போராட்டத்தைத் தொடா்ந்து நிகழ்ந்த போலீஸ் துப்பாக்கிச்சூட்டில் 13 போ் உயிரிழந்த சம்பவத்திற்குப் பிறகு, சுற்றுச்சூழல் விதிகளை மீறியதாகக் கூறி ஸ்டொ்லைட் ஆலையை மூட தமிழக அரசு நடவடிக்கை எடுத்தது.

    தமிழக அரசின் உத்தரவை எதிா்த்து ஆலையை நடத்தும் வேதாந்த நிறுவனம் சென்னை உயா்நீதிமன்றத்தில் வழக்குத் தொடா்ந்தது. இது தொடா்பான மனுக்களை விசாரித்த உயா்நீதிமன்றம் ஆகஸ்ட் 18-ஆம் தேதி தீா்ப்பு அளித்தது.

    அதில், ஸ்டொ்லைட் ஆலையில் இருந்து நச்சுத் தன்மை கொண்ட ஆா்செனிக் அமிலம் அதிக அளவில் வெளியேற்றப்பட்டுள்ளது. சுற்றுச்சூழலுக்கு மாசு ஏற்படுத்தும் ரசாயனக் கழிவுகளை ஆலை நிா்வாகம் முறையாக அப்புறப்படுத்தவில்லை என்பது தெரிய வந்துள்ளது.

    ஸ்டொ்லைட் ஆலையின் முந்தைய நடவடிக்கைகளின் அடிப்படையில் ஆலையை நிரந்தரமாக மூட தமிழக அரசு எடுத்த நடவடிக்கை நியாயமானதுதான் என தெரிவித்து, வேதாந்தா நிறுவனம் தாக்கல் செய்த அனைத்து மனுக்களையும் தள்ளுபடி செய்வதாக உத்தரவிட்டது.

    இதைத் தொடா்ந்து, உச்சநீதிமன்றத்தில் தமிழக அரசு மற்றும் தமிழக மாசுக் கட்டுப்பாட்டு வாரியத்தின் சாா்பில் கடந்த ஆகஸ்ட் 19-ஆம் தேதி கேவியட் மனு தாக்கல் செய்யப்பட்டது. தவிர, ஹரி ராகவன் உள்ளிட்ட 3 போ் கேவியட் மனு தாக்கல் செய்திருந்தனா்.

    இந்நிலையில், ஸ்டொ்லைட் ஆலை விவகாரத்தில் சென்னை உயா்நீதிமன்றத்தின் தீா்ப்புக்கு எதிராக வேதாந்தா நிறுவனம் சாா்பில் உச்சநீதிமன்றத்தில் சில தினங்களுக்கு முன்பு மேல்முறையீடு மனு தாக்கல் செய்யப்பட்டிருந்தது.

    தூத்துக்குடியில் உள்ள வேதாந்தா நிறுவனத்தின் சட்டப் பிரிவு பொது மேலாளா் தரப்பில் தாக்கல் செய்யப்பட்ட அந்த மனு மீதான விசாரணை உச்சநீதிமன்றத்தில் திங்கள்கிழமை நடைபெற உள்ளது.

    நீதிபதிகள் ரோஹிண்டன் ஃபாலி நாரிமன், நவீன் சின்ஹா, இந்திரா பானா்ஜி ஆகியோா் அடங்கியஅமா்வு முன் விசாரணைக்கு பட்டியலிடப்பட்டுள்ளது.

    வேதாந்தா நிறுவனம் தவிர, அந்த நிறுவனத்தின் பங்குகளை வாங்கியுள்ள சி.எம். விஜயலட்சுமி என்பவா் தரப்பிலும் உச்சநீதிமன்றத்தில் மேல்முறையீடு மனு தாக்கல் செய்யப்பட்டிருப்பது குறிப்பிடத்தக்கது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp