புது தில்லி: மறைந்த நிதியமைச்சரும் பாஜக தலைவா்களில் ஒருவரான அருண் ஜேட்லியின் (டிச. 28) 68- வது பிறந்த நாளையொட்டி அவருக்கு பிரதமா் நரேந்திர மோடி மற்றும் பாஜக உயா் நிலத் தலைவா்களும் திங்கள்கிழமை நினைவஞ்சலி செலுத்தினா்.
‘ஜேட்லியோடு நெருக்கமாக தொடா்பு கொண்டு இருந்தேன். அவருடைய ஆளுமை, புத்திசாலித்தனம், சட்டப்புலமை ஆகியவைவற்றை தற்போது தவறிவிடுகின்றேன்‘ என பிரதமா் தனது சுட்டுரையில் தெரிவித்தாா். 1952 ல் பிறந்த ஜேட்லி கடந்தாண்டு ஆகஸ்ட் மாதம் காலமானாா். டநாட்டின் முன்னேற்றத்திற்கு ஜேட்லி அயராது உழைத்தவா்’ என்றும் பிரதமா் சுட்டுரையில் புகழாரம் செலுத்தியுள்ளாா்.
மற்ற பாஜக தலைவா்களும் முன்னாள் நிதியமைச்சரை நினைவுகூா்ந்தனா். தில்லி கிரிக்கெட் வாரியத்தின் கோட்லா கிரிக்கெட் மைதானத்திற்கு ஜேட்லி பெயரிடப்பட்டது. இந்த மைதானத்தில் அவரது பிறந்த நாளையொட்டி மத்திய உள்துறை மந்திரி அமித் ஷா, ஜேட்லியின் முழுவுருவ சிலையை திங்கள்கிழமை திறந்து வைத்தாா். அப்போது அமித்ஷா கூறுகையில், ’ஜெய்ட்லி ஒரு சிறந்த நாடாளுமன்றவாதி, அவருடைய அறிவும் உள்மனமும் மிக ஒற்றுமைகளைக் கொண்டிருந்தது. இந்திய அரசியலுக்கு நீடித்த பங்களிப்பை வழங்கினாா். தேசத்திற்கு பற்றுடன் சேவை ஆற்றியவா். அவருக்கு எனது மனமாா்ந்த அஞ்சலி,‘ என்றாா் அமித் ஷா குறிப்பிட்டாா். பாஜக தலைவா் ஜெ பி நட்டா, பாதுகாப்பு அமைச்சா் ராஜ்நாத் சிங் ஆகியோரும் சுட்டுரைகளில் புகழஞ்லி செலுத்தினா்.
ஜேட்லி பல ஆண்டுகளாக பிரச்சினைகளின் வரம்பில் மிகவும் வெளிப்படையாக கட்சி குரலாக இருந்தவா்.