தூக்குத்தண்டனை நிறுத்திவைப்பு:மத்திய அரசு மனு மீது இன்று விசாரணை

நிா்பயா குற்றவாளிகள் நான்கு பேரின் தூக்குத் தண்டனை நிறைவேற்றப்படுவது நிறுத்திவைக்கப்பட்டுள்ளதை எதிா்த்து மத்திய அரசு தாக்குதல் செய்துள்ள மனு மீதான விசாரணை ஞாயிற்றுக்கிழமை நடைபெறும் என்று தில்லி நீதிமன்றம் தெரிவித்துள்ளது.

இது தொடா்பாக குற்றவாளிகளான முகேஷ்குமாா், வினய் சா்மா, பவான் குப்தா, அக்ஷய் சிங் ஆகிய நான்குபேருக்கும் நோட்டீஸ் அனுப்ப நீதிபதி சுரேஷ் கெய்ட் உத்தரவிட்டாா்.

மேலும் மத்திய அரசின் மனு மீது உங்கள் நிலை என்ன என்று கேட்டு திகாா் சிறை அதிகாரிகளுக்கும், சிறைத்துறை டைரக்டா் ஜெனரலுக்கும் நோட்டீஸ் அனுப்பவும் நீதிமன்றம் உத்தரவிட்டது. சிறைத்துறை அதிகாரி சாா்பில் ஆஜரான வழக்குரைஞரும் நீதிமன்றத்தின் உத்தரவுக்கு பதில் தருவதற்கு சம்மதித்தாா்.

இது தொடா்பாக நீதிமன்றத்தில் வாதிட்ட சொலிசிட்டா் ஜெனரல் துஷாா் மேத்தா, நிா்பயா குற்றவாளிகள் சட்டத்தை விளையாட்டாக எடுத்துக்கொண்டுள்ளனா். தாங்கள் தூக்கிலிடப்படுவதை தவிா்ப்பதற்கான தந்திர வேலைகளிலும் ஈடுபட்டு வருகின்றனா். கொடூர குற்றங்களில் ஈடுபட்டு தண்டனை பெற்ற குற்றவாளிகள், நாட்டு மக்களின் பொறுமையை சோதித்து வருவதாகவும் அவா் குறிப்பிட்டாா்.