காா்கி கல்லூரியில் மாணவிகள் பாலியல் துன்புறுத்தலுக்கு உள்ளாகிய விவகாரம் தொடா்பாக தில்லி காவல்துறை, கல்லூரி நிா்வாகத்துக்கு தில்லி மகளிா் ஆணையம் நோட்டீஸ் அனுப்பியுள்ளது. மேலும், இந்த ஆணையத்தின் தலைவி ஸ்வாதி மாலிவால் அக்கல்லூரிக்குச் சென்று மாணவிகளுடன் திங்கள்கிழமை பேச்சுவாா்த்தை நடத்தினாா்.
பிறகு ஸ்வாதி மாலிவால் கூறுகையில் ‘மாணவிகள் மீது பாலியல் துன்புறுத்தல் செய்தவா்கள், அவா்களைப் பாதுகாக்க நடவடிக்கை எடுப்பவா்கள் மீது தில்லி காவல்துறை நடவடிக்கை எடுக்க வேண்டும். இந்த சம்பவம் நடந்தபோது, அக்கல்லூரியில் தில்லி காவல்துறையினா் பாதுகாப்புப் பணியில் ஈடுபட்டுள்ளனா். இது தொடா்பாக தில்லி காவல்துறையினா் விரைந்து நடவடிக்கை எடுக்க வேண்டும். மேலும், இது தொடா்பாக தில்லி காவல்துறை ஆணையா், கல்லூரி நிா்வாகத்தினருக்கு நோட்டீஸ் அனுப்பியுள்ளோம். தில்லி மகளிா் ஆணையத்தின் விசாரணைக்குழு முன்பு அவா்கள் ஆஜராக வேண்டும் என்றாா் அவா்.
இந்நிலையில், இந்த விவகாரம் தொடா்பாக தேசிய மகளிா் ஆணையம் தானாக முன்வந்து விசாரணைக்குழுவை அமைத்துள்ளது. மேலும், இது தொடா்பாக விசாரிக்க அந்த ஆணையம் குழுவொன்றையும் அமைத்துள்ளது. அக்குழுவினா் காா்கி கல்லூரிக்குச் சென்று, மாணவிகளிடம் நடந்த விவகாரங்கள் தொடா்பாகக் கேட்டறிந்தனா்.