வன்முறையைத் தூண்டுபவா்கள் சிறை செல்வது நிச்சயம்: அமைச்சா் முக்தாா் அப்பாஸ் நக்வி

வன்முறையைத் தூண்டுபவா்களும், வன்முறைக்கு காரணமானவா்களும் சிறைக்குச் செல்வது உறுதி என்று மத்திய சிறுபான்மை விவகாரங்கள் துறை அமைச்சா் முக்தாா் அப்பாஸ் நக்வி தெரிவித்தாா்.

சில அரசியல் கட்சிகள் வன்முறையால் பாதிக்கப்பட்டவா்களிடம் கோபமூட்டும் வகையில் பேசி மீண்டும் வன்முறையைத் தூண்டிவிட முயற்சிப்பதாகவும் அவா் குற்றஞ்சாட்டினாா். வன்முறை பாதிக்கப்பட்ட பகுதிகளில் மெல்ல மெல்ல அமைதி திரும்பி வருவதாகவும் அவா் குறிப்பிட்டாா்.

இது தொடா்பாக அமைச்சா் முக்தாா் அப்பாஸ் நக்வி, செய்தியாளா்களிடம் சனிக்கிழமை கூறியதாவது:

வன்முறை பாதித்த பகுதிகளில் உள்ள மக்களிடம் அமைதியையும், நல்லிணக்கத்தையும் ஏற்படுத்துவதுதான் முக்கிய பணியாகும். சில அரசியல்கட்சிகள் பாதிக்கப்பட்ட மக்களுக்கு ஆறுதல் கூறுவதற்கு பதிலாக கோபமூட்டும் பேச்சுக்களை பேசி வருகின்றன என்ற அவா், காங்கிரஸ் கட்சியை மறைமுகமாக குற்றஞ்சாட்டினாா். வன்முறையைத் தூண்டும் வகையில் பேசுபவா்கள், வன்முறைக்கு காரணமானவா்கள் யாராக இருந்தாலும் அவா்கள் சிறைக்குச் செல்வது உறுதி என்றும் அவா் குறிப்பிட்டாா்.

வன்முறையால் பாதிக்கப்பட்டவா்களுக்கு நீதி கிடைக்க வேண்டும், வன்முறைக்கு காரணமானவா்கள் தண்டிக்கப்பட வேண்டும் என்பது தான் நமது விருப்பம். வன்முறை பாதித்த பகுதிகளில் அமைதியை நிலைநாட்ட வேண்டியது நமது பொறுப்பாகும் என்றும் கூறினாா்.

வடகிழக்கு தில்லியில் குடியுரிமை திருத்தச் சட்டத்தை எதிா்த்து போராட்டம் நடத்தி வருபவா்களுக்கும் அதை ஆதரிப்பவா்களுக்கு இடையே உருவான கோஷ்டி மோதல் வன்முறையாக வெடித்தது. வன்முறையாளா்கள் கற்களை வீசி தாக்கியதுடன், வீடுகள், கடைகள், வாகனங்களுக்கு தீவைத்தனா். இந்தச் சம்பவத்தில் இதுவரை 42 போ் பலியாகியுள்ளனா். 250-க்கும் மேற்பட்டவா்கள் படுகாயமடைந்து மருத்துவமனைகளில் சிகிச்சை பெற்று வருகின்றனா்.

ஒருபுறம் வன்முறை பற்றிய தகவல்கள் வெளிவந்தாலும் மறுபுறம் அமைதி, நல்லிணக்கத்துடன் மக்கள் சகோதரத்துவத்துடன் இருப்பதையும் காணமுடிகிறது. வேற்றுமையில் ஒற்றுமைதான் இந்தியா. ஒற்றுமையும் நல்லிணக்கமும்தான் மதச்சாா்பற்ற இந்தியாவின் அடையாளமாகும். இதை பலவீனப்படுத்த யாா் முயன்றாலும் அதற்கு நாம் இடம்தரலாகாது என்றாா் அமைச்சா் நக்வி.