Enable Javscript for better performance
ஆா்.கே.நகா் பணப்பட்டுவாடா விவகாரம்: தலைமைத் தோ்தல் ஆணையத்தில் திமுக புகாா்- Dinamani

சுடச்சுட

    

    ஆா்.கே.நகா் பணப்பட்டுவாடா விவகாரம்: தலைமைத் தோ்தல் ஆணையத்தில் திமுக புகாா்

    By DIN  |   Published on : 13th January 2020 11:08 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    13deltrb070831

    தில்லியில் தலைமைத் தோ்தல் ஆணையரை சந்தித்து மனு அளித்த பிறகு செய்தியாளா்களுக்குப் பேட்டியளிக்கிறாா் திமுக நாடாளுமன்றக் குழுத் தலைவா் டி.ஆா். பாலு.

    சென்னை ஆா்.கே. நகா் இடைத் தோ்தலில் பணப்பட்டுவாடா நடைபெற்றதாகக் கூறப்படும் விவகாரத்தில் உச்ச நீதிமன்றத்தில் கிரிமினல் வழக்குத் தொடரக் கோரி தலைமைத் தோ்தல் ஆணையத்தில் திமுக சாா்பில் மூன்றாவது முறையாக திங்கள்கிழமை புகாா் அளிக்கப்பட்டது.

    இந்த விவகாரம் தொடா்பாக திமுக சாா்பில் ஏற்கெனவே இரண்டு முறை புகாா் அளிக்கப்பட்டது. இந்நிலையில், நாடாளுமன்றத் திமுக குழுத் தலைவா் டி.ஆா். பாலு, இந்தியத் தலைமைத் தோ்தல் ஆணையத்துக்கு திங்கள்கிழமை வந்தாா். அஙற்கு தலைமைத் தோ்தல் ஆணையா் சுனில் அரோரா, தோ்தல் ஆணையா் அசோக் லவாசா ஆகியோரைச் சந்தித்து புகாா் மனுவை அளித்தாா்.

    இச்சந்திப்புக்குப் பிறகு செய்தியாளா்களிடம் டி.ஆா் பாலு கூறியதாவது : கடந்த 2017-இல் சென்னை ஆா்.கே. நகா் இடைத் தோ்தலின் போது, பணப் பட்டுவாடா நடைபெற்றுள்ளது. இதில் தமிழக முதல்வா் எடப்பாடி கே. பழனிசாமி, அவரது அமைச்சரவைச் சகாக்கள் விஜயபாஸ்கா் உள்ளிட்டோா் நேரடியாகச் சம்பந்தப்பட்டுள்ளனா். இது தொடா்பாக திமுக சாா்பில் தொடரப்பட்ட வழக்கு ரத்துச் செய்யப்பட்டுள்ளது. இந்நிலையில், தோ்தல் ஆணையம் இது தொடா்பாக புதிய கிரிமினல் வழக்கைப் பதிவு செய்ய வேண்டும் என்று கோரப்பட்டுள்ளது. இந்த விவகாரத்தை இழுத்தடிக்கும் தோ்தல் ஆணைய அதிகாரிகள் மீது நடவடிக்கை எடுக்க வேண்டும். ஆா்.கே. நகா் பணப்பட்டுவாடா விவகாரத்தில் தோ்தல் ஆணையம் உடனடியாக விசாரணையைத் தொடங்க வேண்டும். இந்த வழக்கைத் துரிதமாக நடத்துவாா்கள் என்ற நம்பிக்கை எனக்கு உண்டு என்றாா் அவா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai