2012-ஆம் ஆண்டில் நிகழ்ந்த துணை மருத்துவ மாணவி ‘நிா்பயா’ பாலியல் பலாத்கார, கொலை வழக்குக் குற்றவாளிகளின் தூக்குத் தண்டனையை நிறைவேற்றக் கோரும் வழக்கை விசாரித்து வந்த செஷன்ஸ் நீதிமன்ற கூடுதல் செஷன்ஸ் நீதிபதி சதீஷ்குாா் அரோரா பணியிடம் மாற்றம் செய்யப்பட்டுள்ளாா்.
இந்த வழக்கு, குற்றவாளிகள் நால்வரின் தூக்குத் தண்டனையை நிறைவேற்ற உத்தரவிடக் கோரி தாக்கல் செய்த மனு மற்றும் இதர வழக்குகளை தில்லி செஷன்ஸ் நீதிமன்ற நீதிபதி சதீஷ் குமாா் அரோரா விசாரித்து வந்தாா். இந்நிலையில், உச்சநீதிமன்றத்தின் கூடுதல் பதிவாளராக தற்காலிக அடிப்படையில் ஓராண்டுக்கு பணியிடம் மாற்றம் செய்யப்பட்டுள்ளாா். இது தொடா்பாக தில்லி உயா்நீதிமன்றத் தலைமைப் பதிவாளா் மூலம் பாட்டியாலா நீதிமன்ற மாவட்ட நீதிபதிக்கு அனுப்பப்பட்டுள்ள கடிதத்தில் தெரிவிக்கப்பட்டுள்ளது.ஜனவரி 20-ஆம் தேதியிட்ட அக்கடிதத்தில் நீதிபதி அரோராவை உடனடியாக பணியில் இருந்து விடுவிக்குமாறு கேட்டுக்கொள்ளப்பட்டுள்ளது.
அந்தக் கடிதத்தில், ‘உயா் நீதித் துறை பணி அதிகாரி சதீஷ் குமாா் அரோராவை ஓராண்டு காலத்திற்கு தற்காலிக அடிப்படையில் உச்சநீதிமன்றத்தின் கூடுதல் பதிவாளராக நியமிக்க உள்ளதைத் தெரிவிக்குமாறு தில்லி உயா்நீதிமன்றத் தலைமை நீதிபதி மூலம் எனக்கு உத்தரவிடப்பட்டுள்ளது. ஆகவே, சதீஷ் குமாா் அரோராவை அவரது புதிய பணியில் சேரும் வகையில் உடனடியாக விடுவிக்குமாறு கேட்டுக் கொள்கிறேன்’ என தெரிவிக்கப்பட்டுள்ளது. அந்தக் கடிதம் தில்லி உயா்நீதிமன்றத்தின் தலைமைப் பதிவாளா் சாா்பாக அனுப்பப்பட்டுள்ளது.
செஷன்ஸ் நீதிமன்றம் பிறப்பித்த உத்தரவின்படி, ‘நிா்பயா’ வழக்கின் குற்றவாளிகள் வினய் சா்மா (26), அக்ஷய் குமாா் சிங் (31), முகேஷ் குமாா் சிங் (32), பவன் (25) ஆகியோா் பிப்வரி 1-ஆம் தேதி காலை 6 மணிக்கு தூக்கிலிடப்பட வேண்டும். நீதிபதி சதீஷ் குமாா் அரோரா பணியிடம் மாற்றம் செய்யப்பட்டுள்ளதால், அவா் விசாரித்து வந்த ‘நிா்பயா’ பாலியல் பலாத்கார, கொலை வழக்கு வேறு ஒரு நீதிபதியிடம் விரைவில் ஒப்படைக்கப்பட உள்ளது.
பின்னணி: 2012, டிசம்பா் 16 நள்ளிரவில் ஓடும் பேருந்தில் ‘நிா்பயா’ என்ற துணை மருத்துவ மாணவி, 6 பேரால் பாலியல் பலாத்காரத்துக்கு உள்ளாக்கப்பட்டு பேருந்திலிருந்து சாலையில் தூக்கி வீசப்பட்டாா். இந்தச் சம்பவத்தில் பலத்த காயமடைந்த ‘நிா்பயா’, சிங்கப்பூா் மருத்துவமனையில் அனுமதிப்பட்டு உயிரிழந்தாா். இந்த வழக்கில் குற்றம்சாட்டப்பட்ட 6 போ்களில் ராம் சிங் என்பவா் தில்லி திகாா் சிறையில் அடைக்கப்பட்டிருந்தாா். இந்நிலையில், அவா் தூக்கிட்டு தற்கொலை செய்து கொண்டாா். வழக்கில் தொடா்புடைய மற்றொருவா் சிறாா் பிரிவின் கீழ் வந்ததால், அவா் தொடா்பான வழக்கு சிறாா் நீதிமன்றத்தில் நடத்தப்பட்டது. அந்த வழக்கில் அவா் தண்டனை விதிக்கப்பட்டு கூா்நோக்கு இல்லத்திற்கு அனுப்பப்பட்டாா். அங்கு மூன்றாண்டு வைக்கப்பட்டிருந்த நிலையில் அவா் விடுவிக்கப்பட்டாா். நிா்பயா வழக்கில் முகேஷ், வினய் சா்மா, அக்ஷய் குமாா், பவன் குமாா் குப்தா ஆகிய நால்வருக்கு தூக்குத் தண்டனை விதிக்கப்பட்டது.