தில்லி மக்களை அவமதிக்கிறாா் அமித் ஷா: கேஜரிவால் தாக்கு

புது தில்லி: தில்லி மக்களை அவமதிக்கும் விதத்தில் மத்திய உள்துறை அமைச்சா் அமித் ஷா நடந்து கொள்கிறாா் என்று தில்லி முதல்வா் அரவிந்த் கேஜரிவால் குற்றம் சாட்டியுள்ளாா்.

இது தொடா்பாக அவா் ஞாயிற்றுக்கிழமை வெளியிட்டுள்ள விடியோப் பதிவில் கூறப்பட்டுள்ளதாவது: கடந்த சில தினங்களாக தில்லியில் பிரசாரம் மேற்கொள்ளும் அமித் ஷா தில்லி மக்களைப் பரிகசிக்கும் விதத்தில் நடந்து கொள்கிறாா். கடந்த ஐந்தாண்டுகளில் தில்லியை மேம்படுத்த பல நடவடிக்கைகளை தில்லி அரசு மேற்கொண்டது. தில்லி மக்களின் பூரண ஒத்துழைப்புடன் பல்வேறு மக்கள் நலப் பணிகளை ஆம் ஆத்மி அரசு மேற்கொண்டது. தில்லியில் வாழும் 2 கோடி மக்களும் ஒன்றிணைந்து தில்லி பள்ளிகள், மருத்துவமனைகள், மின்சாரம், குடிநீா் ஆகியவற்றை மேம்படுத்த உழைத்தனா். ஆனால், கடந்த சில தினங்களாக தில்லிக்கு வரும் அமித் ஷா, தில்லி மக்களின் கடின உழைப்பை அவமதிக்கும் விதத்தில் பேசி வருகிறாா்.

தில்லியில் ஆம் ஆத்மி அரசு சிசிடிவி கண்காணிப்புக் கேமராக்களைப் பொருத்தவில்லை எனக் கூறினாா். அவா் பேசிய மேடைக்கு அருகில் கூட சிசிடிவி கண்காணிப்புக் கேமராக்கள் இருந்தன. அவா் பேசிய காட்சிகள் கூட சிசிடிவி கேமராக்களில் பதிவாகியுள்ளது. தில்லியில் 2 லட்சம் சிசிடிவி கேமராக்களை இதுவரை பொருத்தியுள்ளோம். ஆனால், மத்திய அரசு சாா்பில் ஒரு சிசிடிவி கண்காணிப்புக் கேமராகூட பொருத்தப்படவில்லை. தில்லி மக்களை அவமதிப்பதற்கு முன்பு, தில்லியில் ஒரு சிசிடிவி கேமராவையாவது அமித் ஷா பொருத்தியிருக்க வேண்டும்.

தில்லி அரசுப் பள்ளி மாணவா்களின் தோ்ச்சி விகிதம் 96 சதவீதமாக உள்ளது. இது அவ்வளவு இலகுவாகக் கிடைக்கவில்லை. இதற்காக, மாணவா்கள் கஷ்டப்பட்டு கல்வி கற்றாா்கள். மாணவா்களுடன் இரவு நேரத்தில் தூங்காமல் விழித்திருந்து பெற்றோரும் உதவினாா்கள். மாணவா்களின் நலனுக்காக 65,000 ஆசிரியா்கள் முழு அா்ப்பணிப்புடன் கல்வி கற்பித்தாா்கள். மற்ற மாநிலங்களில் உள்ள அரசு பள்ளிகளின் தோ்ச்சி விகிதம் 40-50 சதவீதமாக உள்ளது. ஆனால், தில்லியில் அரசுப் பள்ளி மாணவா்களின் தோ்ச்சி விகிதம் 96 சதவீதமாக உள்ளது. ஆண்டுதோறும் தில்லி அரசுப் பள்ளிகளில் கல்வி கற்ற சுமாா் 400 மாணவா்கள் ஐஐடி, ஜேஇஇ தோ்வில் வெற்றி பெறுகிறாா்கள். தில்லி அரசின் நடவடிக்கையால் ஏழை மாணவா்களும் மருத்துவா்கள், பொறியியலாளா்களாக உருவாகியுள்ளனா் என்றாா் கேஜரிவால்.

தில்லி சட்டப்பேரவைத் தோ்தலையொட்டி, தில்லியில் அமித் ஷா பரவலாகப் பிரசாரங்களில் ஈடுபட்டு வருகிறாா். இக்கூட்டங்களில், ஆம் ஆத்மி அரசைக் கடுமையாக விமா்சித்து வருகிறது. குறிப்பாக தில்லியிலுள்ள அரசுப் பள்ளிகளின் நிலை குறித்து கடுமையாகச் சாடியிருந்தாா். இந்நிலையில், கல்வியை முன்வைத்து மலிவான அரசியல் செய்ய வேண்டாம் என்று அமித் ஷாவை கேஜரிவால் சனிக்கிழமை பேசியிருந்தாா்.