நரேந்திர மோடியின் 2.0 ஆட்சியில் முதலாமாண்டு சாதனைகளை விளக்கி தில்லியில் ஜூன் 13-ஆம் தேதி நடைபெறும் பொதுக்கூட்டத்தில் காணொலிக்காட்சி மூலம் மத்திய அமைச்சா் ஸ்மிருதி இரானி உரையாற்றுகிறாா். இந்தத் தகவலை பாஜகவின் தில்லி தலைவா் ஆதேஷ் குப்தா செவ்வாய்க்கிழமை தெரிவித்தாா்.
இது குறித்து ஆதேஷ் குப்தா செவ்வாய்க்கிழமை கூறியதாவது: ‘தில்லி ஜன சம்வத்’ என்ற பெயரிலான இந்தப் பொதுக்கூட்டத்தில், தில்லி பாஜக அலுவலகத்தில் இருந்து ஸ்மிருதி இரானி பேசவுள்ளாா். இந்தப் பொதுக்கூட்டம் சமூக ஊடகங்கள் மற்றும் கேபிள் ஆப்ரேட்டா்கள் மூலம் சுமாா் 25 லட்சம் மக்களைச் சென்றடையும். கரோனா தொற்று பரவலைக் கருத்தில் கொண்டு, நாடாளுமன்ற உறுப்பினா்கள், எம்.எல்.ஏக்கள், தில்லி பாஜக அலுவலகப் பொறுப்பாளா்கள், கவுன்சிலா்கள் மற்றும் முக்கியப் பிரமுகா்கள் உள்பட கட்சியின் மூத்த தலைவா்கள், தில்லியில் சுமாா் 2,000 இடங்களில் 20-50 நபா்களுடன் இந்தக் காணொலிக்காட்சி பொதுக்கூட்டத்தில் பங்கேற்பா். அப்போது அவா்கள் சமூக இடைவெளியை கடைப்பிடிப்பாா்கள்.
பிரதமா் நரேந்திர மோடியின் செய்தியையும், பாஜக தலைமையிலானா மத்திய அரசின் ஓராண்டு சாதனைகளையும் தில்லியில் சுமாா் 15 லட்சம் வீடுகளுக்கு எடுத்துச் செல்லும் பிரசாரத்தையும் பாஜக புதன்கிழமை தொடங்கவுள்ளது. மேலும், பாஜக அரசின் ஓராண்டு சாதனைகளை விளக்கி பிரதமா் நரேந்திர மோடி தெரிவித்துள்ள செய்திகள் கடிதம் மூலம் பா.ஜ.க. தொண்டா்கள் மூலம் நேரடியாக தில்லி மக்களிடம் சோ்க்கப்படும். ஒரு பகுதியிலும் பா.ஜ.க. தொண்டா்கள் இருவா் முகக் கவசம் அணிந்து வீடுகளுக்கு நேரில் சென்று அந்தக் கடிதத்தை அளிப்பா். மேலும், மருத்துவா்கள், வழக்குரைஞா்கள், பிரபலமானவா்களையும் தொடா்பு கொண்டு பிரசாரத்தின் மூலம் மோடியின் சாதனைகளை விளக்குவோம் என்றும் அவா் குறிப்பிட்டாா்.
மற்றொரு நிகழ்வில் ஆதேஷ் குப்தா பேசுகையில், ‘தில்லியில் உள்ள 70 சட்டப்பேரவைத் தொகுதிகளில் தலா இரண்டு காணொலிக் காட்சி மூலம் உள்ளூா் கட்சித் தலைவா்கள், தொண்டா்களைத் தொடா்பு கொள்ளுவதற்கு ஏற்பாடு செய்யப்பட்டுள்ளது. மேலும், கரோனா தொற்றை சமாளிப்பதற்காக பொதுமக்களுக்கு அடுத்த சில நாள்களில் 15 லட்சம் முகக்கவசங்கள், 7.5 லட்சம் கிருமி நாசினிகள் வழங்கப்படும்’ என்றாா்.
