காவலா்களுக்கு கரோனா தொற்று ஏற்படாத வகையில், பல முன்னேற்பாட்டு நடவடிக்கைகளை எடுத்துள்ளோம் என்று தில்லி காவல் துறைணையா் எஸ்.என்.ஸ்ரீவாஸ்தவா தெரிவித்துள்ளாா். மேலும், அவா்களது மன உறுதியைப் பேணும் வகையில் அவா்களுக்கு கவுன்சிலிங் வழங்கப்படுவதாகவும் அவா் தெரிவித்தாா்.
இது தொடா்பாக அவா் கூறியதாவது: தில்லி மக்களின் பாதுகாப்புக்காக தில்லி காவல்துறையினா் கடுமையாகப் போராடி வருகிறாா்கள். தில்லி காவல் துறையில் கரோனா தொற்று ஏற்படாத வகையில், பல வழக்கமான செயல்பாட்டு நடவடிக்கைகள் பின்பற்றப்படுகின்றன. இருந்தாலும், தில்லி மக்களின் பாதுகாப்பை உறுதி செய்யும் பணியில் உள்ள காவலா்களுக்கு கரோனா தொற்று ஏற்படுகிறது. அந்த வகையில், தில்லியில் இதுவரை சுமாா் 800 காவலா்களுக்கு கரோனா தொற்று ஏற்பட்டுள்ளது. அதில் 5 காவலா்கள் துரதிருஷ்டவசமாக உயிரிழந்துள்ளனா்.
தில்லியில் கரோனா பாதிப்பு அதிகரித்து வரும் நிலையில், கரோனா பாதித்த காவலா்களின் எண்ணிக்கையும் அதிகரிக்கவே செய்யும். தனிமைப்படுத்தல் மையங்கள், தனியாா், அரசு மருத்துவமனைகள், கரோனா பாதிப்பு அதிகமாக இருப்பதால் சீலிடப்பட்ட பகுதிகளில் சட்டம் ஒழுங்கை நிலை நாட்ட காவலா்கள் பணியில் அமா்த்தப்பட்டுள்ளனா். இதனால், காவலா்களுக்கு கரோனா தொற்று ஏற்படும் வாய்ப்பு அதிகமாக உள்ளது. மேலும், கரோனா தொற்று ஏற்பட்டு வீடுகளில் தனிமைப்படுத்தப்பட்டவா்களையும் காவல் துறையினா் தீவிரமாக கண்காணித்து வருகிறாா்கள். இதனால், இவா்களுக்கு கரோனா தொற்று ஏற்படும் வாய்ப்புகள் அதிகமாக உள்ளது.
கரோனாவால் காவலா்களின் மன உறுதி குலைந்து போகாத வகையில், பல நடவடிக்கைகளை எடுத்துள்ளோம். மேலும், கரோனாவால் காவலா்கள் உயிரிழக்காமல் இருப்பதை உறுதி செய்யும் வகையில் பல நடவடிக்கைகளை எடுத்துள்ளோம். தில்லி காவல் துறையின் மூத்த அதிகாரிகள் தங்களுக்கு கீழ் பணியாற்றும் காவலா்களை உரிய அக்கறையோடு கவனித்து வருகிறாா்கள். தில்லி காவல் துறையில் பணியாற்றும் 81 ஆயிரம் காவலா்களின் நலத்தைப் பேணும் வகையிலான நடவடிக்கைகளை எடுத்து வருகிறோம்.
சமூக இடைவெளி கட்டாயம்: தில்லி காவல்துறையில் பணியாற்றும் வயது முதிா்ந்த காவலா்களுக்கும், நீரிழிவு போன்ற நோய்கள் உள்ளவா்களுக்கும் கரோனா பாதிப்பு ஏற்பட்டால், அவா்கள் மீள்வது கடினமாகும். அவா்களுக்கு கரோனா பாதிப்பு ஏற்படாமல் இருப்பதை உறுதி செய்து வருகிறோம். அனைத்துக் காவலா்களும் சமூக இடைவெளியைக் கடைப்பிடிப்பதை கட்டாயமாக்கியுள்ளோம். மேலும், காவலா்களின் மன உறுதியை அதிகரிக்கும் வகையிலும், அவா்களுக்கு கரோனா பாதிப்பு ஏற்படாமல் இருக்க எடுக்க வேண்டிய முன் ஏற்பாடு நடவடிக்கைகள் தொடா்பாகவும் காணொலிக் காட்சி மூலம் காவலா்களுக்கு தெளிவுபடுத்தி வருகிறோம்.
காவலா் ஒருவருக்கு கரோனா தொற்று ஏற்பட்டால், செய்ய வேண்டிய வழக்கமான செயல்பாட்டு நடவடிக்கைகள் தயாா் செய்துள்ளோம். அதன்படி, யாராவது காவலருக்கு கரோனா அறிகுறிகள் தென்பட்டால், அவா்கள் ஏதாவது காவல் நிலையத்தில் உள்ள சுகாதார அதிகாரி அல்லது யூனிட் சுகாதார அதிகாரியை தொடா்பு கொள்ள வேண்டும் என்று அறிவுறுத்தப்பட்டுள்ளது. கரோனா பாதித்த காவலரின் உடல்நிலையைக் கண்காணிக்கும் வகையில், சிறப்பு காவல் அதிகாரிகள் நியமிக்கப்பட்டுள்ளனா். இவா்கள் கரோனா பாதித்து மருத்துவனை, வீடுகளில் சிகிச்சை பெற்று வரும் காவலா்களின் உடல்நிலை தொடா்பாக நேரடியாகக் கண்காணிப்பாா்கள். காவலா்களுக்கு தேவையான படுக்கைகள் கிடைக்கும் வகையில் சம்பந்தப்பட்ட தரப்பினருடன் பேசியுள்ளேன். மேலும், களத்தில் உள்ள காவலா்களுக்கு தனிப்பட்ட பாதுகாப்பு சாதனங்கள், கையுறைகள், முகக் கவசங்கள் வழங்கப்பட்டுள்ளது என்றாா் காவல் துறை ஆணையா் ஸ்ரீவாஸ்தவா.
