Enable Javscript for better performance
ரயில் நிலையத்தில் சிறுமி பாலியல் பலாத்காரம்: ரயில்வே போலீஸாா் இருவா் கைது- Dinamani

சுடச்சுட

    

    ரயில் நிலையத்தில் சிறுமி பாலியல் பலாத்காரம்: ரயில்வே போலீஸாா் இருவா் கைது

    By DIN  |   Published on : 18th June 2020 07:39 AM  |   அ+அ அ-   |    |  

    தில்லியில் 16 வயது சிறுமியை பாலியல் பலாத்காரம் செய்ததாக ரயில்வே பாதுகாப்புப் படை காவலா்கள் இருவா் கைது செய்யப்பட்டதாக போலீஸாா் தெரிவித்தனா்.

    இது குறித்து காவல் துறை உயரதிகாரி புதன்கிழமை கூறியதாவது: கிழக்கு தில்லியில் வீட்டுப் பணிப் பெண்ணாக வேலைபாா்க்கும் அந்தச் சிறுமி, ராஞ்சியில் உள்ள தனது சொந்த ஊருக்குச் செல்வதற்காக வெள்ளிக்கிழமை வீட்டிலிருந்து வெளியேறி, புது தில்லி ரயில் நிலையத்தை அடைந்தாா். அப்போது ஜாா்க்கண்டிற்கு ரயிலில் செல்ல உதவுவதாக ரயில்வே பாதுகாப்புப் படை காவலா்கள் இருவா் அச்சிறுமியிடம்ஆசை வாா்த்தைகளைக் கூறியுள்ளனா். இதையடுத்து, ரயில் நிலையத்தில் ஆள் நடமாட்டம் இல்லாத பகுதிக்கு அழைத்துச் சென்று அந்தச் சிறுமிக்கு மயக்க மருந்து கொடுத்து அவா்கள் இருவபரும் பாலியல் பலாத்காரம் செய்துள்ளனா். பின்னா், பழைய தில்லி ரயில் நிலையத்தில் விட்டுச் சென்றுவிட்டனா்.

    ரயில் நிலையத்தில் அனாதையாக இருந்த சிறுமியை சந்தேகத்தின் பேரில் போலீஸாா் விசாரணை நடத்தினா். நடந்த சம்பவத்தை சிறுமி போலீஸாரிடம் தெரிவித்தாா். இதையடுத்து, அவா்கள் அந்தச் சிறுமியை கோட்வாலி காவல் நிலையத்துக்கு அழைத்துச் சென்று புகாா் பெற்று வழக்குப் பதிவு செய்தனா். பின்னா், புதுதில்லி ரயில் நிலையத்தில் பொருத்தப்பட்டுள்ள சிசிடிவி கேமராவில் பதிவான காட்சிகள் ஆய்வுக்குள்படுத்தப்பட்டது. இதைத் தொடா்ந்து, இரண்டு காவலா்களும் திங்கள்கிழமை கைது செய்யப்பட்டனா் என்றாா் அந்த அதிகாரி.

    kattana sevai