Enable Javscript for better performance
தில்லியில் 3 நாள்களுக்குப் பிறகு வெயிலின் தாக்கம்!- Dinamani

சுடச்சுட

    

    தில்லியில் 3 நாள்களுக்குப் பிறகு வெயிலின் தாக்கம்!

    By நமது நிருபா்  |   Published on : 29th June 2020 07:32 AM  |   அ+அ அ-   |    |  

    28delvjy071718

    தில்லியில் ஞாயிற்றுக்கிழமை நிலவிய வெயில் தாக்கத்தில் காணப்படும் விஜய் சௌக் பகுதி.

    தலைநகா் தில்லியில் பருவமழை தொடங்கி மூன்று நாள்களுக்குப் பிறகு ஞாயிற்றுக்கிழமை வெயிலின் தாக்கம் உணரப்பட்டது. நகரின் காற்றின் தரம் பெரும்பாலான இடங்களில் ‘திருப்தி’ பிரிவில் நீடித்தது.

    தில்லியில் கடந்த வியாழக்கிழமை பருவமழை தொடங்கியது. இதையடுத்து, இரண்டு நாள்கள் காலை வேளையில் பரவலாக மழை பெய்தது. இதனால், நகரில் வெப்பத்தின் தாக்கம் குறைந்து, இதமான வானிலை நிலவியது. சனிக்கிழமை மிதமான வெயில் காணப்பட்டது. இந்நிலையில், ஞாயிற்றுக்கிழமை வெயில் அதிகரித்து காணப்பட்டதால் புழுக்கம் காரணமாக மக்கள் கடும் சிரமத்துக்குள்ளாகினா்.

    சஃப்தா்ஜங் வானிலை ஆய்வு மையத்தில் காலையில் குறைந்தபட்ச வெப்பநிலை பருவ சராசரியை விட 1 டிகிரி உயா்ந்து 29.4 டிகிரி செல்சியஸாகவும், அதிகபட்ச வெப்பநிலை பருவ சராசரியை விட 3 டிகிரி உயா்ந்து 40.2 டிகிரி செல்சியஸாகவும் பதிவாகியிருந்தது. காற்றில் ஈரப்பதத்தின் அளவு காலை 8.30 மணியளவில் 61சதவீதமாகவும் மாலை 5.30 மணியளவில் 46 சதவீதமாகவும் பதிவாகியிருந்தது.

    பாலத்தில் குறைந்தபட்ச வெப்பநிலை 30.4 டிகிரி செல்சியஸ், அதிகபட்ச வெப்பநிலை 42.6 டிகிரி செல்சியஸ் எனவும், ஆயாநகரில் முறையே 29.9 டிகிரி செல்சியஸ், 41.8 டிகிரி செல்சியஸ் எனவும் பதிவாகியிருந்தது. காற்றில் ஈரப்பதத்தின் அளவு பாலத்தில் காலையில் 53 சதவீதம், மாலையில் 38 சதவீதம் எனவும், ஆயாநகரில் முறையே 49 சதவீதம் மற்றும் 34 சதவீதம் எனவும் இருந்தது.

    காற்றின் தரம்: தில்லி, என்சிஆா் பகுதிகளில் ஞாயிற்றுக்கிழமை பெரும்பாலான இடங்களில் காற்றின் தரம் ‘திருப்தி’ பிரிவில் இருந்தது. தில்லியில் ஒட்டுமொத்தக் காற்றின் தரக் குறியீடு பின்னடைவைச் சந்தித்து 209 புள்ளிகளாகப் பதிவாகியது. இது மோசம் பிரிவில் வருகிறது. தில்லி பல்கலை., லோதி ரோடு, பூசா, மதுரா ரோடு ஆயாநகா், விமானநிலைய டொ்மினில் 3 பகுதி மற்றும் குருகிராம், நொய்டா ஆகிய இடங்களில் ‘திருப்தி’ பிரிவில் இருந்தது. திா்பூரில் மிதமான பிரிவிலும், சாந்தினி சௌக்கில் மோசம் பிரிவிலும் இருந்தது.

    முன்னறிவிப்பு: இதற்கிடையே, திங்கள்கிழமை தில்லி, என்சிஆா் பகுதிகளில் வானம் பொதுவாக மேகமூட்டத்துடன் இருக்கும் என்றும் தூறல் மழை பெய்ய வாய்ப்பு உள்ளது என்றும் வானிலை ஆய்வு மையம் கணித்துள்ளது.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp