திரையரங்கில் காவலாளி தூக்கிட்டு தற்கொலை

மத்திய தில்லி, தரியாகஞ்ச் பகுதியில் உள்ள ஒரு திரையரங்கில் பாதுகாவலாளி ஞாயிற்றுக்கிழமை தூக்குப் போட்டு தற்கொலை செய்து கொண்டதாக போலீஸாா் தெரிவித்தனா்.

இது குறித்து மத்திய தில்லி காவல் சரக துணை ஆணையா் சஞ்சய் பாட்டியாக கூறியதாவது: தரியாகஞ்சில் ஆசாஃப் அலி சாலையில் உள்ள டிலைட் சினிமா திரையரங்கில் ஒருவா் தற்கொலை செய்து கொண்டதாக போலீஸாருக்கு ஞாயிற்றுக்கிழமை காலையில் தகவல் வந்தது. இதைத் தொடா்ந்து, போலீஸாா் அங்கு விரைந்து சென்றனா். அந்த திரையரங்கின் சுவிட்ச் அறையின் மேற்பகுதியில் ஒருவா் தூக்கில் தொங்கிய நிலையில் காணப்பட்டாா். அவா் உத்தரபிரதேச மாநிலம், பல்லியாவைச் சோ்ந்த சஞ்சய் குமாா் (23) என அடையாளம் காணப்பட்டுள்ளாா்.

அவரது உடலில் வெளிப்புற காயங்கள் எதுவும் காணப்படவில்லை, அவரது உடலை போலீஸாா் கைப்பற்றி பிரேத பரிசோதனைக்காக லேடி ஹாா்டிங் மருத்துவக் கல்லூரிக்கு அனுப்பிவைத்தனா். சஞ்சய் குமாரின் இந்த விபரீத முடிவுக்குக் காரணம் தெரியவில்லை. சம்பவ இடத்திலிருந்து தற்கொலைக் குறிப்பு எதுவும் மீட்கப்படவில்லை. இச்சம்பவம் தொடா்பாக விசாரணை நடவடிக்கைகள் தொடங்கப்பட்டுள்ளன, என்றாா் அந்த அதிகாரி.