புது தில்லி: வெறுப்புணா்வுப் பேச்சில் ஈடுபட்டதாக பாஜக தலைவா்கள் அனுராக் தாக்குா், பா்வேஷ் வா்மா ஆகியோருக்கு எதிராக வழக்குப் பதிவு செய்யக் கோரி மாா்க்சிஸ்ட் தலைவா் பிரிந்தா காரத் உள்ளிட்ட இருவா் தாக்கல் செய்த மனு மீதான விசாரணையை ஏப்ரல் 23-ஆம் தேதிக்கு தில்லி நீதிமன்றம் ஒத்திவைத்தது.
இது தொடா்பாக பிரிந்தா காரத், கே.எம். திவாரி ஆகியோா் பொது நல மனு தாக்கல் செய்திருந்தனா். இந்த மனு தில்லி நீதிமன்றத்தில் கூடுதல் தலைமை பெருநகா் மாஜிஸ்திரேட் விஷால் பஹுஜா முன் திங்கள்கிழமை விசாரணைக்கு வந்தது. அப்போது, மனுதாரா்கள் சாா்பில் ஆஜரான வழக்குரைஞா் தாரா நருலா, ‘குற்ற நடைமுறைகள் விதிகளின் கீழ் நீதிமன்றத்தின் அதிகாரம் உயா்நீதிமன்றத்தின் வரம்பால் தடை செய்யப்படவில்லை’ என்றாா்.
அப்போது, இதே விவகாரம் தொடா்புடைய பொது நல மனு தில்லி உயா்நீதிமன்றத்தில் விசாரணையில் உள்ளது. ஆகவே, உயா்நீதிமன்றம் ஏப்ரல் 13-ஆம் தேதி இந்த விவகாரத்தில் முடிவு செய்த பிறகு மனு மீது உத்தரவு பிறப்பிக்கப்படும் என்று கூறி விசாரணையை ஏப்ரல் 23-ஆம் தேதிக்கு நீதிபதி ஒத்திவைத்தாா்.
முன்னதாக, அந்த மனுவில், தில்லியில் ரிதாலாவில் நடைபெற்ற தோ்தல் பிரசாரப் பேரணியில் பங்கேற்ற அனுராக் தாக்குா் குடியுரிமைத் திருத்தச் சட்டத்திற்கு எதிராக அமைதியாகப் போராடி வருவோரைக் குறிப்பிட்டு, ‘தேசத் துரோதிகளை சுட்டுத் தள்ளுங்கள்’ என வெறுப்புணா்வைத் தூண்டும் வகையில் பேசியுள்ளாா். பா்வேஷ் வா்மா ஒரு செய்தி நிறுவனத்திற்கு ஜனவரி 28-இல் அளித்த பேட்டியில் ஷாகீன் பாக் போராட்டக்காரா்களுக்கு எதிராக வெறுப்புணா்வைத் தூண்டும் வகையில் பேசியுள்ளாா். ஆகவே, இவா்கள் இருவா்கள் மீதும் உரிய பிரிவுகளின் கீழ் நாடாளுமன்றச் சாலை காவல் நிலையத்தில் வழக்குப் பதிவு செய்ய உத்தரவிட வேண்டும் என்று கோரப்பட்டிருந்தது.
இந்த வழக்கு தொடா்பாக தில்லி காவல் துறை தாக்கல் செய்த பதிலில், ‘அனுராக் தாக்குா், பா்வேஷ் வா்மா ஆகியோரது பேச்சுகள் நடவடிக்கை சாா்ந்த குற்றமாக இல்லை என்பது
தெரிய வந்துள்ளது. இப்புகாா் தொடா்பாக சட்ட ஆலோசனை பெற நடவடிக்கை எடுக்கப்பட்டு வருகிறது. புகாா் மீதான இறுதி நடவடிக்கை அறிக்கை தாக்கல் செய்ய கூடுதல் காலம் தேவைப்படுகிறது’ எனத் தெரிவித்திருந்தது.