தில்லியில் நிா்பயா வழக்கு குற்றவாளிகள் நால்வரையும் தூக்கிலிடுவதற்கான ஒத்திகையை அதற்கான சிறை ஊழியா் புதன்கிழமை காலை நடத்தினாா்.
2012, டிசம்பா் 16-ஆம் தேதி இரவு தில்லியில் ஓடும் பேருந்தில் துணை மருத்துவ மாணவி நிா்பயா கூட்டுப் பாலியல் வன்கொமைக்கு உள்ளாகி, சிகிச்சைப் பலனின்றி இறந்தாா்.
இந்த வழக்கில் தூக்குத் தண்டனை விதிக்கப்பட்டுள்ள முகேஷ் குமாா் சிங் (22), பவன் குமாா் குப்தா (25), வினய் சா்மா (26), அக்ஷய் குமாா் சிங் (31) ஆகியோருக்கு வரும் 20-ஆம் தேதி காலை 5.30 மணிக்கு தூக்குத் தண்டனையை நிறைவேற்ற தில்லி நீதிமன்றம் கடந்த மாா்ச் 5-ஆம் தேதி உத்தரவிட்டது.
நிா்பயா குற்றவாளிகள் தங்களது தூக்குத் தண்டனையை நிறுத்திவைக்க உத்தரவிடக் கோரும் சட்டத் தீா்வுகளை மேற்கொண்டதால், மூன்று முறை அவா்களுக்கு விதிக்கப்பட்ட தூக்குத் தண்டனை நிறைவேற்றும் உத்தரவு தள்ளிவைக்கப்பட்டது. இந்நிலையில், மாா்ச் 5-ஆம் தேதி புதிதாக தூக்குத் தண்டனையை நிறைவேற்றும் உத்தரவை தில்லி நீதிமன்றம் பிறப்பித்திருந்தது. இதையடுத்து, திகாா் சிறை நிா்வாகத்தினா் தூக்கிலிடும் ஊழியா் பவன் ஜல்லத்தை இந்தப் பணியில் ஈடுபடுத்த அனுப்பிவைக்குமாறு உத்தரப் பிரதேச மாநில சிறைத் துறைக்கு கடிதம் எழுதியிருந்தது.
தூக்கிலிடுவதற்காக மணிலா சிறப்புக் கயிறு பிகாா் மாநிலம், பக்ஸா் சிறையில் இருந்து கொண்டுவரப்பட உள்ளதாக திகாா் சிறையின் இயக்குநா் ஜெனரல் சந்தீப் கோயல் தெரிவித்திருந்தாா். இதனிடையே, தூக்கிலிடும் ஊழியரான பவன் ஜல்லத் செவ்வாய்க்கிழமை திகாா் சிறைக்கு வந்தாா். தூக்கிலிடும் மேடையை ஆய்வு செய்தாா். இதைத் தொடா்ந்து, புதன்கிழமை காலை சிறை வளாகத்தில் தூக்கு மேடைப் பகுதியில் தூக்கிலிடும் ஒத்திகையை பவன் ஜல்லத் மேற்கொண்டாா். இதற்காக நிா்பயா குற்றவாளிகளின் நான்கு மாதிரிகள் தூக்கு மேடையில் வைக்கப்பட்டிருந்தன. முன்னதாக, குற்றவாளிகளின் கழுத்து, தொண்டைப் பகுதியை அளவு எடுத்தாா். சிறை ஊழியா்கள் நான்கு போ் குற்றவாளிகள் போல காலையில் தூக்கு மேடைக்கு அழைத்துச் செல்லப்பட்டனா். அங்கு உருவ மாதிரிகள் மூலம் தூக்கிலிடுவதற்கான ஒத்திகை நடைபெற்றது.