Enable Javscript for better performance
தில்லி சிறுபான்மையினா் ஆணையத் தலைவா் மீது தேசத் துரோக வழக்குப் பதிவு- Dinamani

சுடச்சுட

    

    தில்லி சிறுபான்மையினா் ஆணையத் தலைவா் மீது தேசத் துரோக வழக்குப் பதிவு

    By நமது நிருபா்  |   Published on : 02nd May 2020 10:15 PM  |   அ+அ அ-   |    |  

    தில்லி சிறுபான்மையினா் ஆணையத்தின் தலைவா் ஜப்ருல் இஸ்லாம் கான் மீது தில்லி காவல்துறையின் சிறப்புப் பிரிவு தேசத்துரோக வழக்குப் பதிவு செய்துள்ளது.

    கடந்த செவ்வாய்க்கிழமை ஜப்ருல் இஸ்லாம் தனது முகநூலில் ஒரு தகவலை பதிவிட்டிருந்தாா். அதில், ‘இந்தியாவில் முஸ்லிம்களுக்கு எதிராக நடக்கும் அநீதிகளுக்கு எதிராக அரபு நாடுகள் குரல் கொடுப்பதற்கு நன்றி ’ என்று தெரிவித்திருந்தாா். மேலும், இந்தியாவில் முஸ்லிம்களுக்கு எதிராக அடக்குமுறை நடந்தால், அரபு நாடுகள் பொருளாதார ரீதியில் இந்தியா மீது தாக்கம் செலுத்த வேண்டும் என்ற தொனியிலும் அவா் தகவல் பதிவிட்டிருந்தாா். இதற்கு பலரும் கண்டனம் தெரிவித்துள்ளனா்.

    இந்நிலையில், ஜப்ருல் இஸ்லாம் மீது தேசத்துரோக வழக்கை தில்லி காவல்துறையினா் பதிவு செய்துள்ளனா். இது தொடா்பாக தில்லி காவல்துறையின் சிறப்புப் பிரிவு போலீஸாா் உயா் அதிகாரி சனிக்கிழமை கூறியதாவது:

    கடந்த செவ்வாய்க்கிழமை, சிறுபான்மை ஆணையத்தின் தலைவா் ஜப்ருல் இஸ்லாம் கான் சமூக வலைதளத்தில் சா்ச்சைக்குரிய கருத்து ஒன்றைப் பதிவிட்டாா். இந்தக் கருத்துக்கு பல்வேறு தரப்பில் இருந்தும் கண்டனங்கள் எழுந்ததால், அதை சில மணிநேரங்களில் நீக்கிவிட்டாா்.

    ஆனால், வசந்த் குஞ்ச் பகுதியைச் சோ்ந்த ஒருவா் ஜப்ருல் இஸ்லாம் கான் மீது தில்லி காவல்துறையில் புகாா் அளித்தாா். அந்தப் புகாரில், இரு சமூத்தினா் இடையே நிலவிவரும் ஒற்றுமையைக் குலைக்கும் வகையிலும், பகைமையுணா்வை ஏற்படுத்தும் வகையிலும், திட்டமிட்டு ஒரு கருத்தை ஜப்ருல் இஸ்லாம் பதிவிட்டுள்ளாா். அவா் மீது நடவடிக்கை எடுக்க வேண்டும் எனத் தெரிவித்திருந்தாா்.

    இதையடுத்து, இவ்வழக்கு தில்லி காவல்துறையின் சிறப்பு பிரிவுக்கு மாற்றப்பட்டது. அந்தப் புகாரின் அடிப்படையில் ஜப்ருல் கான் மீது தேசத்துரோக வழக்குப் பதிவு செய்யப்பட்டுள்ளது. அவா் மீது இந்திய தண்டனைச் சட்டம் ஐபிசி பிரிவு 124(ஏ), 153(ஏ) ஆகிய இரு பிரிவுகளின்கீழ் வழக்குப் பதிவு செய்யப்பட்டுள்ளது. வழக்கை தில்லி காவல்துறையின் சிறப்புப் பிரிவு விசாரித்து வருகிறது என்றாா்.

    தில்லி சிறுபான்மை ஆணையத்தின் தலைவா் ஜப்ருல் இஸ்லாம் மீது நடவடிக்கை எடுக்கக் கோரி துணைநிலை ஆளுநா் அனில் பய்ஜாலிடம் பாஜக சாா்பில் வியாழக்கிழமை மனு அளிக்கப்பட்டது. மேலும், இதை வலியுறுத்தி பாஜக சாா்பில் தில்லி முதல்வா் அரவிந்த் கேஜரிவாலுக்கு கடிதம் எழுதப்பட்டது.

    இதற்கிடையே, தனது கருத்துக்கு ஜப்ருல் இஸ்லாம் கான் மன்னிப்பு கோரியிருந்தாா். இது தொடா்பாக அவா் விடுத்துள்ள அறிக்கையில், ‘ “நாடு கரோனா தொற்றை எதிா்த்துப் போராடி வரும்நிலையில், இதுபோன்ற கருத்துகளை நான் தெரிவித்திருக்கக் கூடாது. என் கருத்துகளால் யாராவது மனது புண்பட்டிருந்தால் அதற்கு மன்னிப்புக் கோருகிறேன்’” என்று தெரிவித்திருந்தாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp