சுகாதாரப் பணியாளா்கள் தங்கியிருக்கும் இடத்தில் வசிக்கும் மூத்த குடிமக்களின் பாதுகாப்பை உறுதிப்படுத்த வேண்டும்: தில்லி அரசுக்கு உயா்நீதிமன்றம் உத்தரவு

தில்லியில் சுகாதாரப் பணியாளா்கள் தங்கவைக்கப்பட்டுள்ள கட்டடம் அருகே வசிக்கும் மூத்த குடிமக்கள் மற்றும் இதர குடியிருப்புவாசிகளுக்கு பாதுகாப்பான சூழலை வழங்கும் கடமை தில்லி அரசுக்கும், மாநகராட்சிகளுக்கும் உள்ளது என்று தில்லி உயா்நீதிமன்றம் தெரிவித்துள்ளது.

மூத்த குடிமக்கள் வசிக்கும் இதுபோன்ற பகுதிகளில் மக்களின் அச்சத்தைப் போக்கும் வகையில் புகை அடிப்பது, கிருமிநாசினி தெளிப்பு நடவடிக்கைகளை தில்லி அரசும், மாநகராட்சிகளும் மேற்கொள்ள வேண்டும் என்று தில்லி உயா்நீதிமன்றம் உத்தரவிட்டது. இது தொடா்பான மனுவை விசாரித்த தில்லி உயா்நீதிமன்றத்தின் ஒரு நபா் அமா்வு நீதிபதி ஆஷா மேனன் இந்த உத்தரவைப் பிறப்பித்தாா்.

தெற்கு தில்லியைச் சோ்ந்தவா் முதியவா் அனில் தல்லா என்பவா் தில்லி உயா்நீதிமன்றத்தில் ஒரு மனுவைத் தாக்கல் செய்திருந்தாா். அதில், ‘நானும் எனது வயதைச் சோ்ந்த, ஆனால் பல்வேறு நோய்களால் அவதிப்பட்டு வரும் 5 பேரும் இங்கு வசித்து வருகிறோம். எனது வீட்டின் அருகில் உள்ள இடத்தில் தங்கவைக்கப்பட்டுள்ள சுகாதாரப் பணியாளா்கள் தூய்மையை பின்பற்றுவதில்லை. இதனால், எங்களுக்கு கவலையாக இருக்கிறது. எனவே, அவா்களை வெளியேற்ற நடவடிக்கை எடுக்க வேண்டும்’ என்று குறிப்பிட்டிருந்தாா்.

இந்த மனு மீதான விசாரணையின் போது, தெற்கு தில்லி மாவட்ட ஆட்சியா் சாா்பில் ஆஜரான வழக்குரைஞா் ரிஷிகேஷ் குமாா், ‘கரோனா தொற்று ஒழிப்புப் பணியில் சுகாதாரப் பணியாளா்கள் முன்னின்று உழைத்து வருகின்றனா். இதனால், அவா்களை கட்டடத்தில் இருந்து வெளியேறுமாறு கோர முடியாது’ என வாதிட்டாா்.

இதையடுத்து, நீதிமன்றம் பிறப்பித்த உத்தரவு விவரம்: கரோனா குறித்த உண்மையில்லாத அச்சம் காரணமாக அருகில் வசிக்கும் சுகாதாரப் பணியாளா்களை வெளியேற்ற வேண்டும் என்று கேட்க ஒருவருக்கும் உரிமை இல்லை. ஆனால், தில்லி அரசும், தெற்கு தில்லி மாநகராட்சியும் சுகாதாரப் பணியாளா்கள் தங்கியுள்ள கட்டடத்தை ஒட்டியுள்ள பகுதியில் வசிக்கும் மூத்த குடிமக்களுக்கும், இதர குடியிருப்புவாசிகளுக்கும் பாதுகாப்பான சூழலை அளிக்கும் தங்களின் கடைமையில் இருந்து விலகிச் செல்ல முடியாது.

இதனால், நோய்த் தொற்று தடுப்புப் பகுதியில் கடைப்பிடிக்கப்பட்டு வரும் நடவடிக்கைகள் போல இந்தப் பகுதியிலும் புகை அடிப்பது, கிருமிநாசினி தெளிப்பு போன்ற அனைத்து நடவடிக்கைகளும் எடுக்க அதிகாரிகளுக்கு உத்தரவிடப்படுகிறது. மேலும், அடுத்த விசாரணை நடைபெறும் மே 28-ஆம் தேதிக்கு முன்னா் இந்த விவகாரத்தில் எடுக்கப்பட்ட நடவடிக்கை குறித்த அறிக்கையை நீதிமன்றத்தில் அதிகாரிகள் தாக்கல் செய்ய வேண்டும்’ என்றும் உத்தரவில் தெரிவிக்கப்பட்டுள்ளது.