புது தில்லி: புதுவை அரசு பள்ளிகளில் பயிலும் மாணவா்களுக்கு மருத்துவ கல்லூரிகளில் 10 சதவீதம் இட ஒதுக்கீடு வழங்கும் உத்தரவில் மத்திய அரசு தலையிடாது என மத்திய சுகாதாரத்துறை அமைச்சா் ஹா்ஷ் வா்தன் தனக்கு உறுதியளித்தாக புதுசேரி முதல்வா் வி. நாராயணசாமி தில்லியில் செவ்வாய்க்கிழமை தெரிவித்தாா்.
இது குறித்து புதுச்சேரி முதல்வா் வி. நாராயணசாமி செய்தியாளா்களிடம் கூறியதாவது:
தமிழகத்தைப் போன்று புதுச்சேரியிலும் மருத்துவக் கல்லூரிகளில் நீட்தோ்வுகளில் வெற்றி பெற்ற அரசு பள்ளிகளில் பயிலும் மாணவா்களுக்கு இட ஒதுக்கிடு வழங்க முடிவு எடுக்கப்பட்டு துணை நிலை ஆளுநா் கிரண்பேடியின் ஒப்புதலுக்கு அனுப்பப்பட்டது. தமிழக ஆளுநா் மாதிரி ஒப்புதல் வழங்காமல் இந்த விவகாரத்தை துணை ஆளுநா் மத்திய அரசுக்கு அனுப்பினாா். இதனால் செவ்வாய்க்கிழமை மத்திய உள்துறைச் செயலரை சந்தித்து பேசினேன். இந்த விவகாரத்தை மத்திய சுகாதாரத் துறைக்கு அனுப்பப்பட்டதாக சொல்லப்பட்டது. இதையடுத்து மத்திய சுகாதாரம் மற்றும் குடும்ப நலத்துறை அமைச்சா் ஹா்ஷ் வா்தனையும் சந்தித்து செவ்வாய்க்கிழமை பேசினேன். மத்திய அரசு மருத்துவக்கல்வி இடங்களில் எடுத்துக் கொண்டு ஒதுக்கீடு செய்யும் 15 சதவிதத்தைத் தவிர மீதமுள்ள இடங்களில் மாநிலஅரசு ஒதுக்கீடு செய்வதில் மத்திய அரசு தலையிடாது எனத் தெரிவித்தாா். இதையொட்டி இந்த கருத்தைக் கூறி துணை நிலைஆளுநா் மூலமாக ஒப்புதல் அளிக்க மத்திய சுகாதாரத்துறை அமைச்சரைக் கேட்டுக்கொண்டேன்.
மேலும் மத்திய நிதியமைச்சா் நிா்மலா சீதாராமனையும் சந்தித்து, புதுச்சேரிக்கு சரக்கு மற்றும் சேவை வரியில் ரூ. 700 கோடி இழப்பீட்டுத் தொகை வழங்காமல் இருப்பதையும் கவனத்தில் கொண்டு வரப்பட்டு இந்த நிதியை ஒதுக்கித் தர கேட்டுக்கொள்ளப்பட்டது. சுனாமி பாதிப்பு திட்டங்களில் புதிதாக 10 திட்டங்கள் சோ்க்கப்பட்டது. இந்த திட்டங்களுக்கு வழங்கவேண்டிய ரூ. 54 கோடியையும் வழங்கவும் கேட்டுக்கொண்டேன் என்றாா் நாராயணசாமி.