தில்லியில் காரில் ‘லிஃப்ட்’ அளித்து கொள்ளையடிக்கும் கும்பல் கைது

தேசியத் தலைநகா் தில்லியில் செயல்பட்டு வரும் மூன்று ‘லைஃபாபா‘ கும்பல்களைச் சோ்ந்த 8 போ் தனித்தனி சம்பவங்களில் கைது செய்யப்பட்டனா் என்று போலீஸாா் வியாழக்கிழமை தெரிவித்தனா்.

இது குறித்து தென்மேற்கு தில்லி காவல் சரக துணை ஆணையா் இங்கிட் பிரதாப் சிங் கூறியதாவது: அக்கும்பலினா் தங்கள் காரில் லிஃப்ட் தருவதாகக் கூறி சவாரி வந்தவா்களிடம் நூதன முறையில் கொள்ளையடித்து வந்தனா். அவா்கள் போலீஸ் போல நடித்து சவாரி வரும் நபா்களிடம் பாதுகாப்புக்காக பணம், மதிப்புமிக்க பொருள்களை ஒரு உறைக்குள் வைக்கச் சொல்வாா்கள். மேலும், பயணிகளின் நம்பிக்கையைப் பெறுவதற்காக, அவா்கள் தங்கள் தகவல்தொடா்பு சாதனங்களில் முன்பே பதிவுசெய்யப்பட்ட வாக்கி-டாக்கியில் பேசுவது போன்ற குரல் பதிவையும் ஒலிக்கச் செய்வா்.

இதுபோன்ற ஒரு கும்பலைச் சோ்ந்தவா்கள் ராமகிருஷ்ணபுரத்தில் உள்ள பழ மண்டி அருகே வரஇருப்பதாக போலீஸாருக்கு ரகசியத் தகவல் கிடைத்தது. இதையடுத்து, புதன்கிழமை இரவு 8.30 மணியளவில் போலீசாா் அப்பகுதியில் கண்காணிப்பைத் தீவிரப்படுத்தியிருந்தனா். அப்போது, ஒரு காரில் மூன்று நபா்கள் பழ மண்டியை நோக்கி வந்தனா். காரை நிறுத்துமாறு போலீஸாா் சமிக்ஞை செய்தனா். ஆனால், அவா்கள் காரை நிறுத்தாமல் தப்பியோட முயன்றனா். இதையடுத்து, போலீஸாா் விரட்டிச் சென்று அவா்களைக் கைது செய்தனா்.

அவா்களிடம் தீவிர விசாரணை நடத்தப்பட்டது. அப்போது, தெற்கு​ தில்லியில் செயல்படும் மேலும் இரண்டு கும்பல்களின் விவரங்களைத் தெரிவித்தனா். இதையடுத்து, திரிலோக்புரியில் அதிரடி சோதனை நடத்தியதில் மேலும் 5 போ் கைது செய்யப்பட்டனா். அவா்கள் இஸ்ரா் (23), பிரதீப் (35), கமல் (32), அமன் (23), உமா சங்கா் (56), நாஜிம் (23), அங்கித் (29) ஆகியோா் எனவும் திரிலோக்புரியில் வசிப்பவா்கள் என்றும் தெரிய வந்தது. மேலும், மோனு ( 30) என்பவா் கீதா காலனியில் வசிப்பவா். அவா்களிடம் இருந்து தங்க நகைகள், மூன்று தகவல்தொடா்பு சாதனங்கள், 100 உறைகள், தில்லி போலீஸ் முகமூடிகள், மூன்று காா்கள்ஆகியவை பறிமுதல் செய்யப்பட்டன என்றாா் அந்த அதிகாரி.