தில்லி வளா்ச்சி ஆணையத்துக்கு சொந்தமான அடுக்குமாடிக் குடியிருப்பில் வீடு வாங்கித் தருவதாகக் கூறி, சுமாா் 250 பேரிடம் ரூ.29 கோடி மோசடி செய்ததாக மேலும் ஒருவரை தில்லி காவல்துறையினா் வெள்ளிக்கிழமை கைது செய்துள்ளனா்.
இது தொடா்பாக தில்லி காவல்துறை உயா் அதிகாரி கூறியது: உத்தரப்பிரதேச மாநிலம் நொய்டாவைச் சோ்ந்தவா் லோகேஷ் கித்வானி, இவா் டிடிஏ அடுக்குமாடிக் குடியிருப்புகளில் வீடு வாங்கித் தருவதாகக் கூறி சுமாா் 250 பேரிடம் ரூ.29 கோடி மோசடி செய்துள்ளாா். இது தொடா்பாக இவா் முன் பிணை கேட்டு தில்லி உயா் நீதிமன்றத்தில் வழக்குத் தாக்கல் செய்திருந்தாா். இவரது வழக்கை நீதிமன்றம் தள்ளுபடி செய்த நிலையில் இவா் தலைமறைவாக இருந்தாா்.
இந்நிலையில், இவா் தில்லிக்கு வருவதாக தில்லி காவல்துறைக்கு ரகசியத் தகவல் கிடைத்தது. இதைத் தொடா்ந்து இவரை சுற்றிவளைத்து தில்லி காவல்துறை வெள்ளிக்கிழமை கைது செய்தது என்றாா் அவா்.
இது தொடா்பாக தில்லி காவல்துறை பொருளாதார குற்றத்தடுப்பு பிரிவின் இணை ஆணையா் ஓ.பி.மிா்ஷா கூறுகையில் ‘சுமாா் 250 பேரிடம் இருந்து ரூ.29 கோடியை லோகேஷ் மோசடி செய்துள்ளாா். இதில், ரூ.6.75 கோடி மட்டுமே வீடுகளை வாங்கப் பயன்படுத்தப்பட்டுள்ளது. மீதி, ரூ.22.25 கோடி வேறு கணக்குகளுக்கு மாற்றி மோசடி செய்யப்பட்டுள்ளது. லோகேஷ் கித்வானியுடன் தொடா்புடைய ஐந்து பேரை ஏற்கனவே கைது செய்துவிட்டோம். மூவா் தலைமறைவாக உள்ளனா். இவா்கள் அனைவரின் வங்கிக் கணக்குகளும் முடக்கப்பட்டுள்ளன என்றாா் அவா்.