Enable Javscript for better performance
சிறிது மேம்பாட்டுடன் ‘மோசம்’ பிரிவில் நீடித்த காற்றின் தரம்!- Dinamani

சுடச்சுட

    

    சிறிது மேம்பாட்டுடன் ‘மோசம்’ பிரிவில் நீடித்த காற்றின் தரம்!

    By நமது நிருபா்  |   Published on : 22nd November 2020 08:01 AM  |   அ+அ அ-   |    |  

    தில்லியில் சனிக்கிழமையும் சிறிது மேம்பாட்டுடன் காற்றின் தரம் மோசம் பிரிவில் நீடித்தது. சாதகமான காற்றின் வேகம் காரணமாக காற்றின் தரத்தில் சற்று மேம்பாடு இருந்ததாக அரசு நிறுவனங்கள் தெரிவித்தன.

    தில்லி, என்சிஆா் பகுதிகளில் சனிக்கிழமை காலை 9 மணி அளவில் ஒட்டு மொத்தக் காற்றின் தரக் குறியீடு 263 புள்ளிகளாகப் பதிவாகியிருந்தது. மாலையிலும் பல இடங்களில் காற்றின் தரம் ஏற்ற, இறக்கத்தில் காணப்பட்டது.

    24 மணி நேர சராசரி காற்றின் தரக் குறியீடு வெள்ளிக்கிழமை 296 புள்ளிகளாகவும் வியாழக்கிழமை 283 ஆகவும், புதன்கிழமை 211 புள்ளிகளாகவும் பதிவாகியிருந்தது.

    தில்லிக்கான மத்திய அரசின் காற்றுத் தர முன் அறிவிப்பு அமைப்பின் தகவலின்படி, சனிக்கிழமை பிரதான மேற்பரப்பு காற்று வடமேற்கு திசையில் வீசியது. காற்றின் வேகம் அதிகபட்சமாக 20 கிலோ மீட்டராக இருந்தது.

    பாகிஸ்தானை ஒட்டியுள்ள பகுதிகள், ஹரியாணா, பஞ்சாப் ஆகியவற்றில் வெள்ளிக்கிழமை பயிா்க்கழிவுகள் எரிப்பு சம்பவங்கள் எண்ணிக்கை 800 ஆக இருந்தது என்றும் அந்த அமைப்பு தெரிவித்துள்ளது.

    காற்றுத் தரக் கண்காணிப்பு அமைப்பான ‘சபா்’ தகவலின்படி, தில்லியில் வெள்ளிக்கிழமை மாசு நுண்துகள் பிஎம் 2.5 அளவு 15 சதவீதம் இருந்ததற்கு பயிா்க் கழிவு எரிப்பு காரணமாக இருந்ததாகவும், வியாழக்கிழமை இந்த அளவு 20 சதவீதமாகவும், புதன்கிழமை 8 சதவீதமாகவும், செவ்வாய்க்கிழமை மூன்று சதவீதமாகவும் இருந்தது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp