அக்டோபா் மாதம் இதுவரையில் 50 பேருக்கு டெங்கு பாதிப்பு ஏற்பட்டுள்ளது. இதன்மூலம் நிகழாண்டில் டெங்கு பாதித்தவா்களின் எண்ணிக்கை 316 ஆக அதிகரித்துள்ளது.
இது தொடா்பாக தில்லி மாநகராட்சி மூத்த அதிகாரிகள் செவ்வாய்க்கிழமை கூறியது: தில்லியில் அக்டோபா் மாதம் இதுவரை டெங்குவுக்கு 50 போ் பாதிக்கப்பட்டுள்ளனா். பிப்ரவரியில் 4 போ், மாா்ச்சில் 2 போ், ஏப்ரலில் 7 போ், மே மாதத்தில் 6 போ், ஜூனில் ஒருவா், ஜூலையில் 11 போ், ஆகஸ்ட்டில் 47 போ் பாதிக்கப்பட்டனா். செப்டம்பா் மாதம் இந்த நோயின் தாக்கம் மிகவும் அதிகரித்தது. இந்த மாதம் 188 போ் டெங்கு நோயால் பாதிக்கப்பட்டனா். அக்டோபா் மாதம் இதுவரை 50 போ் பாதிக்கப்பட்டுள்ளனா். இதன் காரணமாக, நிகழாண்டில் இந்நோய் பாதித்தவா்களின் எண்ணிக்கை 316-ஆக அதிகரித்துள்ளது.
மலேரியா: தில்லியில் மலேரியா நோயின் தாக்கம் ஜனவரியில் தொடங்கிவிட்டது. அந்த மாதத்தில் 6 போ் மலேரியாவால் பாதிக்கப்பட்டனா். பிப்ரவரி, மாா்ச், ஏப்ரல் ஆகிய மாதங்கள் மொத்தம் 11 போ் போ் பாதிக்கப்பட்டனா். மே முதல் ஆகஸ்ட் வரை 58 பேருக்கு மலேரியா பாதிப்பு ஏற்பட்டது. செப்டம்பரில் மலேரியா நோயின் தாக்கம் மிகவும் அதிகரித்தது. அந்த மாதம் 102 பேருக்கு மலேரியா பாதிப்பு ஏற்பட்டது. இந்நிலையில், அக்டோபா் மாதம் இதுவரை 13 பேருக்கு மலேரியா பாதிப்பு ஏற்பட்டுள்ளது. இதன்மூலம், நிகழாண்டில் இதுவரை மொத்தம் 189 போ் மலேரியா நோயால் பாதிக்கப்பட்டுள்ளனா்.
சிக்குன்குனியா: தில்லியில் சிக்குன்குனியாவுக்கு பிப்ரவரியில் 9 பேரும், ஏப்ரல், மே மாதங்களில் தலா ஒருவரும் பாதிக்கப்பட்டனா். ஜனவரி, மாா்ச், ஜூன் ஆகிய மாதங்களில் யாருக்கும் சிக்குன்குனியா பாதிப்பு ஏற்படவில்லை. ஆனால், ஜூலையில் 7 பேருக்கும், ஆகஸ்டில் 16 பேருக்கும் சிக்குன்குனியா பாதிப்பு ஏற்பட்டது. இந்நிலையில், செப்டம்பரில் 35 போ் சிக்குன்குனியாவால் பாதிக்கப்பட்டுள்ளனா். அக்டோபரில் இதுவரை 2 பேருக்கு பாதிப்பு ஏற்பட்டுள்ளது இதன்மூலம், நிகழாண்டில் சிக்குன்குனியாவால் பாதித்தவா்களின் எண்ணிக்கை 71 -ஆக அதிகரித்துள்ளது என்று அதிகாரிகள் தெரிவித்தனா்.