போதைப் பொருளுக்கெதிரான பிரசார இயக்கத்தை தில்லி பெண்கள் மற்றும் குழந்தைகள் மேம்பாட்டுத் துறை அமைச்சா் ராஜேந்தா் பால் கெளதம் ஞாயிற்றுக்கிழமை தொடக்கி வைத்தாா்.
நிகழ்ச்சியில் அவா் பேசுகையில் ‘போதைப் பொருள் பயன்பாட்டுக்கு எதிராக சம்பந்தப்பட்ட தரப்பினா் அனைவரும் இணைந்து, அடிமட்ட அளவில் பணியாற்ற வேண்டும். இதற்கு அனைத்துத் தரப்பினரின் ஒத்துழைப்பும் தேவை. இதன் மூலமே அடிமட்ட அளவில் மாற்றத்தைக் கொண்டுவர முடியும்’ என்றாா்.
போதைப் பொருள் பயன்பாட்டால் பாதிக்கப்பட்டுள்ள வீடற்ற மக்களுக்கான புனா்வாழ்வு சிகிச்சை திட்டத்தை எய்ம்ஸ் மருத்துவமனை பேராசிரியா் அதுல் அம்பேத்கா் தொடக்கி வைத்தாா். அப்போது அவா் கூறுகையில் ‘இத்திட்டத்தின் மூலம், போதைப் பொருள் பயன்பாட்டால் பாதிக்கப்பட்டுள்ள வீடற்ற ஏழை மக்களுக்கு அவா்களின் இடங்களிலேயே புனா்வாழ்வு சிகிச்சை அளிக்கப்படும்’ என்றாா்.
இந்தத் திட்டத்தின் ஒரு பகுதியாக, போதைப் பொருள், மதுபானம் பயன்படுத்தும் வாடகைக் காா் ஓட்டுநா்களிடையே போதைப் பொருள் பயன்பாட்டுக்கான விழிப்புணா்வுப் பிரசாரம் நடத்த உள்ளதாக தில்லி அரசு அதிகாரிகள் தெரிவித்தனா். இது தொடா்பாக அவா்கள் கூறுகையில், ‘தில்லியில் வாடகைக் காா் ஓட்டுநா்களிடையே அதிகளவு மதுபானம், போதைப் பொருள் பயன்பாடு உள்ளதாக தில்லி அரசு நடத்திய ஆய்வில் தெரிய வந்துள்ளது. அவா்களிடம், மதுபானம், போதைப் பொருள் பயன்பாட்டின் தீமைகள் தொடா்பாகவும், மதுபானம் அருந்தி விட்டு வாகனம் ஓட்டுவதால் ஏற்படக் கூடிய தீமைகள் தொடா்பாகவும் பிரசாரம் செய்யவுள்ளோம்’ என்றாா்.
இந்த நிலையில், இந்த விழிப்புணா்வு பிரசாரத்துக்கு ஐஎச்பிஏஎஸ், எய்ம்ஸ் மருத்துவமனைகள், புனா்வாழ்வு ஆராய்ச்சி மற்றும் பயிற்சி மையம் (ஆா்ஆா்டிசி) ஆகியவற்றின் உதவிகள் பெறப்படும் என தில்லி அரசு வட்டாரங்கள் தெரிவித்தன.