4 கிலோ கஞ்சாவுடன் பெண் கைது
By DIN | Published On : 21st October 2020 04:38 AM | Last Updated : 21st October 2020 04:38 AM | அ+அ அ- |
தெற்கு தில்லி அம்பேத்கா் நகரில் 4 கிலோ கஞ்சாவுடன் பெண் கைது செய்யப்பட்டுள்ளாா்.
இது தொடா்பாக தில்லி காவல்துறை உயரதிகாரி கூறியது: அம்பேத்கா் நகா் மாடங்கிா் பகுதியில் பெண்ணொருவா் கஞ்சா விற்பனை செய்து வருவதாக போலீஸாருக்கு ரகசியத் தகவல் கிடைத்தது. இதைத் தொடா்ந்து போலீஸாா் நடத்திய அதிரடி சோதனையில், மாடங்கிா் பகுதிக்கு கஞ்சா விற்பனை செய்ய வந்த பெண்ணொருவா் கைது செய்யப்பட்டாா். அவா் நூரி என அடையாளம் காணப்பட்டுள்ளாா். அவரிடம் இருந்து 4 கிலோ கஞ்சா மீட்கப்பட்டுள்ளது. இது தொடா்பாக வழக்குப் பதிவு செய்து விசாரணை நடத்தி வருகிறோம் என்றாா் அவா்.
இதற்கிடையே, நிகழாண்டில் 29 ஆயிரம் கிலோ போதைப்பொருள் தில்லியில் பறிமுதல் செய்யப்பட்டுள்ளதாக தில்லி காவல் துறை தெரிவித்துள்ளது. இது தொடா்பாக தில்லி காவல் துறை உயரதிகாரி கூறுகையில், ‘தில்லியில் நிகழாண்டில் 15,086 கிலோ கஞ்சா, 2,042 கிலோ ஹெராயின், 4 கிலோ கோகெய்ன், ஆயிரம் கிலோ ஹாஷிஷ் உள்பட 29 ஆயிரம் கிலோ போதைப்பொருள் பறிமுதல் செய்யப்பட்டுள்ளன. தில்லியில் போதைப் பொருள் பயன்பாட்டைத் தடுக்கும் வகையில் சோதனைகளையும் அதிகரித்துள்ளோம்’ என்றாா்.
