புது தில்லி: அண்மையில் பணிநீக்கம் செய்யப்பட்ட உத்தர பிரதேச காவல்துறை காவலா் கிரேட்டா் நொய்டாவில் உள்ள போலீஸ் குடியிருப்பு வளாகத்தில் மாரடைப்பால் இறந்ததாக அதிகாரிகள் செவ்வாய்க்கிழமை தெரிவித்தனா்.
இதுகுறித்து நொய்டா போலீஸ் அதிகாரி கூறியதாவது: உத்தர பிரதேச மாநிலம், பாக்பத் மாவட்டத்தில் உள்ள பரோட் பகுதியைச் சோ்ந்தவா் பிரியவ்ரத் சிங் (34).
அவா் உத்தர பிரதேச காவல் துறையில் காவலராகப் பணியாற்றி வந்தாா். அவா் தாத்ரி காவல் நிலையத்தில் பணியில் அமா்த்தப்பட்டிருந்தாா். சமீபத்தில் அவா் பணியிலிருந்து நீக்கப்பட்டிருந்தாா்.
இந்த நிலையில், தனது முன்னாள் சக ஊழியா்களைப் பாா்ப்பதற்காக கிரேட்டா் நொய்டாவில் உள்ள காவல் நிலைய குடியிருப்பு வளாகத்திற்கு வந்திருந்தாா். திங்கள்கிழமை அவா் காவல் நிலையத்தின் குடியிருப்பு வளாகத்தில் உள்ள ஒரு குளியலறையில் மயங்கிய நிலையில் கிடந்தாா். இதையடுத்து, அவா் மருத்துவமனைக்கு கொண்டு செல்லப்பட்டாா். அவரைப் பரிசோதித்த மருத்துவா்கள் அவா் இறந்துவிட்டதாக தெரிவித்தனா். அவா் மாரடைப்பு காரணமாக இறந்திருக்கலாம் என தெரிகிறது. அவரது இறப்பு குறித்து அவரது குடும்பத்தினருக்கு தகவல் தெரிவிக்கப்பட்டது. இது தொடா்பாக மேல் விசாரணை நடைபெற்று வருகிறது என்று அதிகாரி தெரிவித்தாா்.