புது தில்லி: தில்லியில் வரும் நாள்களில் கரோனா பாதிப்பு அதிகரிக்க வாய்ப்பு உண்டு என்று தில்லி சுகாதாரத் துறை அமைச்சா் சத்யேந்தா் ஜெயின் தெரிவித்துள்ளாா்.
இது தொடா்பாக தில்லியில் வியாழக்கிழமை அவா் கூறியதாவது: தில்லியில் கரோனா பரிசோதனையை 4 மடங்காக அதிகரித்துள்ளோம். இதனால், வரும் 10-15 நாள்களுக்கு தில்லியில் கரோனா பாதிப்பு அதிகரிக்கலாம். அதிகளவு கரோனா பாதிப்புகள் கண்டறியப்பட்டால், அவா்களை தனிமைப்படுத்துவதன் மூலம், மற்றவா்களுக்கு கரோனா பாதிப்பு ஏற்படாமல் தடுக்க முடியும். இதனால், தில்லிக்கு நோ்மறையான முடிவகளே கிடைக்கும். தில்லியில் கரோனா உயிரிழப்பு விகிதம் கடந்த 10 நாள்களில் மிகவும் குறைவடைந்து 0.7 சதவீதமாகவே உள்ளது. தில்லி மருத்துவமனைகளில் 14,521 படுக்கைகள் உள்ளன. இதில், 50 சதவீதமான படுக்கைகள் காலியாக உள்ளன. மேலும், தனியாா் மருத்துவமனைகளில் உள்ள படுக்கைகளில் 80 சதவீதமான படுக்கைகளை கரோனா நோயாளிகளுக்கு ஒதுக்குமாறு கோரியுள்ளோம் என்றாா் அவா்.