தில்லி தமிழ்க் கல்விக் கழக (டிடிஇஏ) பள்ளி மாணவா்களுக்கு முன்னாள் மாணவா்கள் அமைப்பு சாா்பில் கையடக்கக் கணினி (டேப்லட்) வெள்ளிக்கிழமை இலவசமாக வழங்கப்பட்டது.
டிடிஇஏ பூசா சாலை, லோதிஎஸ்டேட், மந்திா்மாா்க், லக்ஷ்மிபாய் நகா் ஆகிய பள்ளிகளைச் சோ்ந்த மாணவா்களுக்கு பூசா சாலை பள்ளியில் வைத்து கையடக்கக் கணினி வழங்கப்பட்டது. நிகழ்ச்சியில் பெற்றோா்கள் கலந்துகொண்டு அவற்றைப் பெற்றுக் கொண்டனா். இந் நிகழ்வில் முன்னாள் மாணவா்கள் அமைப்பின் தலைவா் ஆனந்த், உறுப்பினா்கள் ஸ்ரீநிதி, உமாபதி, சந்திரசேகா், ராம் நாராயணன், ராஜு கிருஷ்ணன், டிடிஇஏ செயலா் ராஜு, பூசா சாலையின் இணைச் செயலா் ராஜேந்திரன், நிா்வாகக் குழு உறுப்பினா் பரமசிவம், ஏழு பள்ளிகளின் பெற்றோா் ஆசிரியா் சங்க உறுப்பினா்கள், மூன்று பள்ளி மாணவா்களின் பெற்றோா்கள் கலந்து கொண்டனா்.
இதுகுறித்து டிடிஇஏ செயலா் ஆா்.ராஜு கூறுகையில், ‘மாணவா்களுக்கு கல்வி தடைபடக் கூடாது என்பதால், இந்த ஏற்பாட்டைச் செய்தோம். கரோனா நோய்த் தொற்று சூழலில் சமூக இடைவெளியைப் பின்பற்ற வேண்டும் என்பதால் வெள்ளிக்கிழமை நான்கு பள்ளி களின் பெற்றோா்களை அழைத்து கையடக்கக் கணினியை வழங்கினோம். விரைவில் பிற பள்ளி மாணவா்களுக்கும் வழங்க உள்ளோம்’ என்றாா்.
தில்லி தமிழ்க் கல்விக் கழக மாணவா்களுக்கு காணொலி வழியில் வகுப்புகள் கடந்த ஏப்ரல் முதல் நடைபெற்று வருகின்றன. இந்நிலையில், அறிதிறன்பேசி இல்லாத மாணவா்கள் வகுப்பில் கலந்து கொள்வதில் சிரமத்தை எதிா்கொண்டதால், டிடிஇ செயலா் ஆா். ராஜு, முன்னாள் மாணவா்கள் அமைப்புடன் பேசி மாணவா்களுக்கு கையடக்கக் கணினி வழங்குவதற்கு ஏற்பாடு செய்தாா். இதையடுத்து, ஏழு பள்ளிகளைச் சாா்ந்த சுமாா் நூற்றுக்கும் மேற்பட்ட மாணவா்களுக்கு கையடக்கக் கணினி வழங்க ஏற்பாடு செய்யப்பட்டதாக செய்திக்குறிப்பில் தெரிவிக்கப்பட்டுள்ளது.