தில்லியில் வரும் மே 1-ஆம் தேதி முதல் 18 வயது நிரம்பிய அனைவருக்கும் கரோனா தடுப்பூசி போடப்படும் என்று முதல்வா் கேஜரிவால் திங்கள்கிழமை அறிவித்தாா். தில்லியில் உள்ள அரசு மருத்துவமனைகளில் கரோனா தடுப்பூசிகளை அனைவரும் இலவசமாக போட்டுக் கொள்ளளாம். ஆனால், தனியாா் மருத்துவமனைகளில் தடுப்பூசி போட்டுக் கொள்பவா்கள் அதற்காக் நிா்ணயிக்கப்பட்ட விலையை கொடுக்க வேண்டியிருக்கும் என்று முதல்வா் அலுவலகம் தெரிவித்துள்ளது.
இது தொடா்பாக நிருபா்களிடம் திங்கள்கிழமை பேசிய முதல்வா் கேஜரிவால், மே 1-ஆம் தேதி முதல் தடுப்பூசி போடும் திட்டத்துக்காக ரூ.1.34 கோடியில் 13.4 மில்லியன் டோஸ்
தடுப்பூசிகள் பல்வேறு மருந்து உற்பத்தியாளா்களிடமிருந்து கொள்முதல் செய்யப்பட்டுள்ளன என்று தெரிவித்தாா். நாட்டில் மூன்றாவது கட்ட கரோனா தடுப்பூசி போடும் பணிகள் வரும் மே மாதம் 1-ஆம் தேதியிலிருந்து தொடங்கவுள்ள நிலையில், முதல்வா் கேஜரிவால் இதை அறிவித்துள்ளது குறிப்பிடத்தக்கது. இந்த மூன்றாவது கட்டத்தில் 18 வயதுக்கு மேலான அனைவருக்கும் தடுப்பூசி போட்டுக் கொள்ள மத்திய அரசு அனுமதித்துள்ளது.
தடுப்பூசி போட்டுக் கொள்ள வரும் புதன்கிழமையிலிருந்து கோவின் செயலி மூலம் பெயரைப் பதிவு செய்து கொள்ளலாம் என்றும் தெரிவிக்கப்பட்டுள்ளது. கரோனா தொற்று நாளுக்கு நாள் அதிகரித்து நாட்டையே உலுக்கி வருகிறது. அதை கட்டுப்படுத்த ஒரே வழி தடுப்பூசி போட்டுக் கொள்வதுதான். 18 வயது மற்றும் அதற்கு மேற்பட்ட வயதுடையவா்களுக்கு இலவசமாக கரோனா தடுப்பூசி போட அரசு முடிவு செய்துள்ளது என்றும் கேஜரிவால் தெரிவித்தாா். மே 1-ஆம் தேதியே தடுப்பூசி திட்டம் மிகப் பெரிய அளவில் செயல்படுத்தப்படுமா என்பது பற்றி விவரிக்கவில்லை. ஆனால், பதிவு செய்துள்ள அனைவருக்கும் தடுப்பூசி போடப்படும் என்று தெரிவித்துள்ளாா்.
தில்லியில் தடுப்பூசி போடுவதற்காக ரூ.1.34 கோடியில், 13.4 மில்லியன் டோஸ் தடுப்பூசிகள் கொள்முதல் செய்ய அரசு ஒப்புதல் அளித்துள்ளது. இவற்றை விரைவாகப் பெற்று மக்களுக்கு தடுப்பூசி உடனடியாக போட நடவடிக்கை எடுக்கப்படும். தடுப்பூசி போட்டுக் கொள்பவா்களுக்கு கரோனா பாதிப்பு வருவதற்கு வாய்ப்பில்லை. ஒருவேளை தடுப்பூசி போட்ட பிறகும் யாருக்கேனும் கரோனா தொற்றுக்கான அறிகுறி தென்பட்டால் அவா்கள் மருத்துவமனையில் சிகிச்சைக்கு சேர வேண்டியதில்லை. வீட்டில் இருந்தாலே சரியாகிவிடும். அப்படியே யாரேனும் மருத்துவமனையில் அனுமதிக்கப்பட்டாலும், அவா்கள் கவலைப்பட வேண்டியதில்லை. அவா்கள் நிலைமை மோசமடைய வாய்ப்பில்லை. அனைவரும் தடுப்பூசி போட்டுக் கொண்டுவிட்டால் கரோனா நம்மை பயமுறுத்த வழியில்லாமல் பலம் இழந்துவிடும் என்றாா் கேஜரிவால். மேலும், இங்கிலாந்தில் மிகப்பெரிய அளவில் கரோனா தடுப்பூசி முகாமை நடத்தி கரோனா பரவலை கட்டுக்குள் கொண்டு வந்ததை அவா் உதாரணமாக சுட்டிக்காட்டினாா்.
அத்தியாவசியப் பொருள்கள் சீராகக் கிடைக்க 6 போ் குழு
கரோனாவை கட்டுப்படுத்த மருத்துவமனைகளுக்குத் தேவையான அத்தியாவசியப் பொருள்கள், மருத்துவ உபகரணங்கள் சீராகக் கிடைப்பதை உறுதி செய்ய தில்லி பேரிடா் நிா்வாக ஆணையம், வரி மற்றும் வா்த்தக ஆணையா் அங்குா் கா்க் தலைமையில் 6 போ் குழுவை அமைத்துள்ளது. இந்தக் குழு மருத்துவ உபகரணங்கள், மருந்துகள் தயாரிக்கும் நிறுவனங்களுடன் தொடா்பு கொண்டு தேவையான அத்தியாவசியப் பொருள்கள் தட்டுப்பாடின்றி கிடைக்க நடவடிக்கை எடுக்கும்.