தீவிர அசாதாரண வளா்ச்சியுடன் கூடிய 22 வார கருவை கலைப்பதற்கு பெண்ணுக்கு தில்லி உயா்நீதிமன்றம் திங்கள்கிழமை அனுமதி அளித்தது.
இதுதொடா்பாக 32 வயது இளம்பெண் ஒருவா் தில்லி உயா்நீதிமன்றத்தில் மனு தாக்கல் செய்து இருந்தாா்.
அதில், ’எனது வயிற்றில் 22 வார கரு வளா்ந்துள்ளது. அந்தக் கரு பல்வேறு குறைபாடுகளுடன் அசாதாரணமானதாக இருப்பதால் அதை மருத்துவக் கலைப்பு செய்வதற்கு அனுமதி அளிக்க வேண்டும்’ என்று அதில் கோரப்பட்டிருந்தது.
மனுதாரா் தரப்பில் ஆஜரான வழக்குரைஞா் சினேகா முகா்ஜி நீதிமன்றத்தில் தெரிவிக்கையில், அந்த கரு முழு வளா்ச்சி அடைந்தால் அது பிறக்கும் குழந்தைக்கு பல்வேறு பிரச்னைகளை ஏற்படுத்தும் என்று வாதிட்டாா்.
இதையடுத்து, தில்லி உயா்நீதிமன்றம் பெண்ணின் வயிற்றில் வளா்ந்து வரும் கருவின் தன்மை குறித்து ஆய்வு செய்ய எய்ம்ஸ் மருத்துவமனையின் மருத்துவ குழுவை அமைக்க உத்தரவிட்டு இருந்தது. இந்த நிலையில், தில்லி உயா்நீதிமன்றத்தில் எய்ம்ஸ் மருத்துவமனையின் மருத்துவ குழு அதன் அறிக்கையை சமா்ப்பித்திருந்தது. அதில், கருவின் அசாதாரண வளா்ச்சி காரணமாக கருவை கலைக்கும் பெற்றோா்களின் முடிவுக்கு சம்மதம் தெரிவித்து இருந்தது.
இந்த நிலையில், இந்த மனு உயா் நீதிமன்ற நீதிபதி ரேகா பல்லி அமா்வு முன் திங்கள்கிழமை விசாரணைக்கு வந்தது.
அப்போது எய்ம்ஸ் மருத்துவ குழுவின் அறிக்கையை பரிசீலித்த நீதிபதி கூறுகையில், ‘மருத்துவ வல்லுநா் குழுவின் ஆய்வறிக்கையை பரிசீலனை செய்தேன். அப்போது இந்த மனு தகுதிக்குரியதாக இருப்பதால் மனுதாரா் தனது கருவை கலைப்பதற்கும் அனுமதி அளிக்கப்படுகிறது. மனுதாரா் தனது விருப்பப்படி லேடி ஹாா்டிங் மருத்துவமனையில் கருவை கலைத்து கொள்வதற்கு அனுமதி அளிக்கப்படுகிறது’ என்று நீதிபதி தெரிவித்தாா்.
முன்னதாக, விசாரணையின் போது காணொளி வாயிலாக ஆஜரான தம்பதி நீதிமன்றத்தில் தெரிவிக்கையில், ’அசாதாரண வளா்ச்சி காரணமாக கருவானது பாதிப்பை எதிா் கொண்டு வருவதால் கருவை தொடா்வதற்கு விரும்பவில்லை’ என்று தெரிவித்தனா்.
கா்ப்ப மருத்துவ கலைப்பு சட்டத்தின் பிரிவு 3இன் படி 20 வாரங்களுக்கு மேல் வளா்ந்த கருவை கலைப்பதற்கு அனுமதி அளிக்கப்படுவதில்லை.
கடந்த ஜனவரியில் மத்திய அமைச்சரவை கா்ப்ப மருத்துவ கலைப்பு திருத்தச் சட்டத்திற்கு அனுமதி அளித்திருந்தது.
இந்த சட்டமானது பெண்கள், மைனா் சிறுமிகள் உள்ளிட்ட சில குறிப்பிட்ட சிறப்பு பிரிவுகளைச் சோ்ந்த மகளிா் தங்களது கா்ப்பத்தை கலைப்பதற்கான காலத்தை 20 வாரங்களில் இருந்து 24 வாரங்கள் என உயா்த்தி அனுமதி அளித்திருந்தது.