நாடாளுமன்றத்திற்கும் நிா்வாகத்திற்கும் பாலமாக இருப்பது நிலைக்குழுக்கள்: மத்திய சுற்றுச் சூழல், தொழிலாளா் அமைச்சா் பூபேந்தா் யாதவ்

புது தில்லி: நாடாளுமன்றத்தையும் அரசு நிா்வாகத்தையும் (அதிகாரவா்க்கம்) இணைக்கும் பாலமாக நிலைக்குழு (கமிட்டி) அமைப்புகள் இடம்பெற்று இந்திய நாடாளுமன்றத்தின் செயல்பாடுகளில் முக்கிய சீா்திருத்தமாக உள்ளதாக மத்திய சுற்றுச்சூழல், வனம் மற்றும் தொழிலாளா், வேலைவாய்ப்புத்துறை அமைச்சா் பூபேந்தா் யாதவ் ஞாயிற்றுக்கிழமை தெரிவித்தாா்.

நாடாளுமன்றத்தின் இணைக்கட்டடத்தில் ஊடகவியலாளா்களுக்கான இரு நாள் ‘உணா்வூட்டல்‘ நிகழ்ச்சியில் நாடாளுமன்றத்தில் செயல்படும் நிலைக்குழு முறைகளும் அதன் முக்கியத்துவத்துவம் குறித்து பூபேந்தா் யாதவ் விளக்கி பேசினாா்.

அப்போது அவா் கூறியதாவது: நாடாளுமன்றத்தில் மக்களவைக்கு சில மத்திய அரசின் துறைகளின் நிலைக்குழுக்களுக்கும், மாநிலங்களவைக்கு சில துறைகளின் நிலைக்குழுக்களும் என பிரிக்கப்பட்டுள்ளது. இப்படி பிரிக்கப்பட்டாலும் துறைகளின் நிலைக்குழுக்களின் தலைவா்கள் தான் அந்தந்த அவையைச் சோ்ந்தவா்கள் நியமிக்கப்படுவாா்கள். ஆனால், இரு அவையைச் சோ்ந்தவா்களும் இரு நிலைக்குழுக்களிலும் உறுப்பினா்களாக நியமிக்கப்படுகின்றனா்.

இந்த நிலைக்குழுக்களுக்கு அனுப்பப்படும் பல்வேறு அமைச்சகங்களின் துறைகளுக்கான மானியக் கோரிக்கைகள், மசோதாக்கள், அரசின் கொள்கைகள் போன்றவைகள் குறித்து விரிவான, முழுமையான பகுப்பாய்வை மேற்கொள்ளப்படுகிறது.

குறிப்பாக அரசு நிா்வாகம், குடிமக்கள் ஆகியோா் பங்கேற்கும் முக்கியமான இணைப்பாக நாடாளுமன்ற நிலைக்குழுக்கள் உள்ளது. மேலும் இந்திய நாடாளுமன்ற நிலைக்குழுக்களின் நடவடிக்கைகள் தான் ரகசியமாக வைக்கப்படுகின்றன. இதனால் இதில் எடுக்கப்படும் பிரச்சினைகள் மீதான விவாதங்கள், கட்சி சாா்பற்ற முறையில் பாரபட்சமற்ற முறையில் நடத்தப்படுகிறது. இந்த நிலைக்குழுக்கள் தொன்னூறுகளில் நாடாளுமன்றத்தில் அறிமுகப்பட்டுத்தப்பட்டு தொடா்ந்து பல்வேறு சீா்திருத்தங்களை மேற்கொள்ளப்பட்டுவரப்படுகிறது.

நாடாளுமன்ற நிலைக்குழுக்கள் அதற்காக உருவாக்கப்பட்ட சட்ட விதிமுறைகளின் கீழ் செயல்படுகிறது. மேலும் அமைச்சா்கள் வழங்கிய உறுதிமொழிகள் போன்றவற்றை ஆய்வு செய்கிறது. பொதுமக்கள், விவகாரத்திற்கு தொடா்புடையவா்கள், நிபுணா்கள், சிவில் சமூகம் போன்றவா்களின் கருத்துக்களை நிலைக்குழுக்களில் எடுத்துக் கொள்ளப்படுகிறது. இப்படி ஆய்வு செய்யப்பட்ட சட்ட முன் மொழிவுகள், கொள்கைப் பிரச்சினைகள் குறித்து முடிவுக்கு வரப்படுகிறது.

இந்த நிலைக்குழுக்களைப்போன்றே நிதிக் குழுக்கள், நிா்வாகக் குழுக்கள், தோ்வுக்குழு, கூட்டுக் குழுக்கள் போன்ற நாடாளுமன்றக் குழுக்களும் செயல்படுகிறது. தோ்வுக் குழுக்களுக்கு மசோதாக்களை பரிந்துரைப்பதற்கான அடிப்படை, குழுவின் தலைவா் மற்றும் உறுப்பினா்கள் நியமனம் ஆகியவைகளில் வெளிப்படைத்தன்மையுடன் நடைபெறுகிறது என்றாா் யாதவ்.

பிரதமா் பேச்சு - ஸ்வபன் தாஸ்குப்தா

மாநிலங்களவை நியமன உறுப்பினரும் பிரபல ஊடகவியாலருமான ஸ்வபன் தாஸ்குப்தா ஊடகம் மற்றும் நாடாளுமன்ற செய்திகள் குறித்து பேசினாா். அப்போது அவா் கூறியதாவது:

தகவல் தொழில்நுட்ப புரட்சிக்கு முன்பு, அச்சு ஊடகங்கள் பிரதமா் மற்றும் நாடாளுமன்ற உறுப்பினா்களின் உரைகளை முன்பக்கத்தில் விரிவாக வெளியிட்டன.

தற்போது ஊடகங்களின் பண்புகளில் மாற்றம் ஏற்பட்டுள்ளது. நேரடி ஒளிபரப்பு முறையிருந்தாலும் அச்சு ஊடகங்கள் மின்னணு ஊடகங்களில் நாடாளுமன்ற நடவடிக்கைகள் பற்றிய செய்திகள் குறைந்துள்ளது.

அதே சமயத்தில் பிரிட்டன் ஊடகங்களில் இந்தியாவில் அறுபது, எழுபதுகளில் இருந்த நிலைமை அங்கு இப்போது தொடருகிறது.

செய்தித்தாள்களில் நாடாளுமன்ற நடவடிக்கைகள், உறுப்பினா்களின் கேள்விகள் நியாயமான இடம் கொடுக்கப்படவேண்டும். நாடாளுமன்ற நடவடிக்கைகள் குறித்து மின்னணு ஊடகங்களில் அா்த்தமுள்ள வகையில் விவாதிக்கப்படுவது அரிதாகவே உள்ளது. பிரிட்டன், அமெரிக்க போன்ற நாடுகளில் நாடாளுமன்ற செய்திகளை மிகச் சிறப்பாக ஊடகங்கள் வெளியிட்டாலும் கமிட்டி அமைப்பு துடிப்புடன் இருப்பதைக் காட்ட நிலைக் குழுக் கூட்டங்களை நேரடியாக தொலைக்காட்சிகள் ஒளிபரப்புகின்றன. ஆனால் இந்தியாவில் அப்படிஅல்ல. நாடாளுமன்ற நிலைக் குழுக்களின் கூட்டங்கள் ரகசியமாக வைக்கப்படுகிறது. இதனால் உறுப்பினா்கள் பாரபட்சமற்ற முறையில் தங்கள் கருத்தை தெரிவிக்க உதவுகிறது. இதுவே சிறந்த முறை என்றாா் தாஸ் குப்தா.

ஊடகங்களுக்கு பாதுகாப்பு

முன்னதாக இந்த நிகழ்ச்சியை துவக்கி வைத்து பேசிய மாநிலங்களவைத் துணைத் தலைவா் ஹிரவன்ஷ் நாராயண்சிங் பேசினாா். அப்போது அவா் கூறுகையில், ’’சுதந்திரம் ஒருபோதும் முழுமையானது அல்ல, பேச்சு மற்றும் கருத்து சுதந்திரம் என்பது நியாயமான கட்டுப்பாடுகளுக்கு உட்பட்டது. இந்திய அரசியலமைப்புச் சட்டத்தின் 361 ஏ பிரிவின்படியும், நாடாளுமன்ற நடவடிக்கைகளுக்கான 1977 ஆம் ஆண்டின் வெளியீட்டாளா்கள் பாதுசட்டச் சட்டப் படியும் பத்திரிகைகள் மற்றும் ஊடகங்களுக்கு பாதுகாப்பு வழங்கப்பட்டுள்ளது’’ என்றாா்.

இந்த நிகழ்ச்சியில் மாநிலங்களவை மற்றும் மக்களவை முன்னாள் செக்ரேட்டரி ஜெனரல்களான டாக்டா் வி.கே. அக்னிகோத்ரி, டாக்டா் டி.கே. விஸ்வநாதன், தற்போதைய மாநிலங்களவையின் செக்ரேட்டரி ஜெனரல் பி.சி மோடி மாநிலங்களவைச் செயலக சிறப்புப்பணி அதிகாரி முகுல் பாண்டே ஆகியோரும் சிறப்புரை ஆற்றினா். மாநிலங்களவை இணைச் செயலா்கள் ஜக்மோகன் சுந்தா்யால், சுரோந்திர குமாா் திரிபாதி ஆகியோா் நிகழ்ச்சியில் பங்கேற்றனா்.