Enable Javscript for better performance
யமுனை நதியை சுத்தப்படுத்த மத்திய அரசு வழங்கிய ரூ.673 கோடி என்னவாயிற்று?- Dinamani

சுடச்சுட

    

    யமுனை நதியை சுத்தப்படுத்த மத்திய அரசு வழங்கிய ரூ.673 கோடி என்னவாயிற்று? கேஜரிவாலுக்கு ஆதேஷ் குப்தா கேள்வி

    By நமது நிருபா்  |   Published on : 20th February 2021 11:38 PM  |   அ+அ அ-   |    |  

    யமுனை நதியை சுத்தப்படுத்த மத்திய அரசு தில்லி அரசுக்கு வழங்கிய ரூ.673.86 கோடிக்கு என்னவாயிற்று என்று பாஜகவின் தில்லி தலைவா் ஆதேஷ் குமாா் குப்தா கேள்வி எழுப்பியுள்ளாா்.

    இது தொடா்பாக தில்லியில் சனிக்கிழமை அவா் அளித்த பேட்டி: யமுனை நதியை சுத்தப்படுத்த 2014 இல் இருந்து 2020 ஆம் ஆண்டுவரை, ரூ.673.86 கோடி நிதியை தில்லி அரசுக்கு மத்திய அரசு வழங்கியுள்ளது. அதிகபட்சமாக கடந்த 2018 ஆம் ஆண்டு ரூ.310 கோடியை மத்திய அரசு வழங்கியுள்ளது. ஆனால், யமுனை நதியை சுத்தப்படுத்த இதுவரை தில்லி அரசு எவ்வித நடவடிக்கையையும் எடுக்கவில்லை. அந்த நிதிக்கு என்னவாயிற்று என்பது புதிராகவே உள்ளது. யமுனை நதியை சுத்தப்படுத்துவதை தனது பிரதான வாக்குறுதிகளில் ஒன்றாக அளித்தே தில்லியில் ஆம் ஆத்மிக் கட்சி 2015 இல் ஆட்சியைப் பிடித்தது. கடந்த 2020 இல் நடந்த சட்டப்பேரவைத் தோ்தலிலும் யமுனை நதியை தூய்மைப்படுத்துவோம் என்ற வாக்குறுதியை தில்லி மக்களுக்கு கேஜரிவால் வழங்கியிருந்தாா்.

    ஆனால், கடந்த 6 ஆண்டுகளாக யமுனை நதியை தூய்மைப்படுத்த கேஜரிவால் தலைமையிலான தில்லி அரசு எவ்வித நடவடிக்கையும் எடுக்கவில்லை. யமுனையை தூய்மைப்படுத்தும் வகையில், தில்லி அரசுக்கு மத்திய அரசு இதுவரை வழங்கிய நிதிக்கு என்ன ஆச்சு என்று தெரியவில்லை.

    இது தொடா்பாக தில்லி அரசு வெள்ளை அறிக்கை வெளியிட வேண்டும். தில்லி அரசின் மெத்தனப்போக்கால் தில்லியில் ஓடும் யமுனையில் அமோனியாவின் செறிவு அதிகரித்துள்ளது. இதனால், யமுனை நீரை நம்பியுள்ள மக்கள் பெரும் அவதிக்குள்ளாகிறாா்கள் என்று அவா் தெரிவித்தாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp