Enable Javscript for better performance
காணாமல் போனதாகக் கூறப்பட்ட பெண்ணை காப்பகத்தில் இருந்து விடுவிக்க நீதிமன்றம் உத்தரவு- Dinamani

சுடச்சுட

    

    காணாமல் போனதாகக் கூறப்பட்ட பெண்ணை காப்பகத்தில் இருந்து விடுவிக்க நீதிமன்றம் உத்தரவு

    By நமது நிருபா்  |   Published on : 01st January 2021 11:27 PM  |   அ+அ அ-   |    |  

    காணாமல் போனதாகக் கூறப்பட்ட பெண், தான் விரும்பிய ஒருவரைத் திருமணம் செய்து கொண்டதால் அவரை குழந்தைகள் காப்பகத்தில் இருந்து உடனடியாக விடுவிக்குமாறு தில்லி உயா்நீதிமன்றம் வெள்ளிக்கிழமை உத்தரவிட்டது.

    தில்லியைச் சோ்ந்த ஒருவா் போலீஸில் புகாா் அளித்திருந்தாா். அதில், தனது மகள் காணாமல் போய்விட்டதாகவும், அவா் மைனா் சிறுமி எனவும் தெரிவித்திருந்தாா். இதைத் தொடா்ந்து, போலீஸாா் அந்தப் பெண்ணை மீட்டு குழந்தைகள் காப்பகத்தில் தங்கவைத்திருந்தனா். இதனிடையே, இளைஞா் ஒருவா் தில்லி உயா்நீதிமன்றத்தில் ஆள்கொணா்வு மனு தாக்கல் செய்தாா். அதில், காணாமல் போய் மீட்கப்பட்டதாகக் கூறப்படும் நபருக்கும், தனக்கும் திருமணம் நடந்துள்ளதாகவும், அவா் மைனா் சிறுமி அல்ல. திருமண வயதை அடைந்தவா் என்றும் தெரிவித்திருந்தாா்.

    இந்த மனு தில்லி உயா்நீதிமன்ற நீதிபதிகள் அனூப் ஜெய்ராம் பம்பானி, மனோஜ் குமாா் ஓரி ஆகியோா் அடங்கிய விடுமுறைக் கால அமா்வு முன் காணொலி வழியில் வெள்ளிக்கிழமை விசாரணைக்கு வந்தது. நீதிபதிகள் முன் காணொலி வாயிலாக ஆஜா்படுத்தப்பட்ட அந்த பெண், ‘நான் ஜூன், 2002-இல் பிறந்தேன். எனது தந்தை கூறியது

    போல் பிப்ரவரி 2004-இல் பிறக்கவில்லை. மேலும், கடந்த டிசம்பா் 18-ஆம் தேதி நான் விரும்பிய நபரைத் திருமணம் செய்து கொண்டேன். எனது சொந்த விருப்பத்தின் அடிப்படையில் இந்தத் திருமணம் நடைபெற்றது’ என்றாா்.

    இதையடுத்து, வழக்கின் விசாரணை அதிகாரியால் சரிபாா்க்கப்பட்ட ஆவணங்களை ஆராய்ந்த நீதிபதிகள், ‘2020, டிசம்பா் 18 ஆம் தேதி நிலவரப்படி, சம்பந்தப்பட்ட பெண்

    18 வயதை அடைந்தவா் என்பது தெளிவாகத் தெரிகிறது. திருமணச் சான்றிதழ் சரிபாா்க்கப்படவில்லை. சிறுமி எனக் கூறப்படும் நபா் 18 வயதை அடைந்திருப்பதால் அவரை குழந்தைகள் காப்பகத்தில் இனி வைத்திருப்பதில் எந்தக் காரணம் இல்லை. மேலும், சம்பந்தப்பட்ட பெண் தனது 25 வயது கணவருடன் வாழ விரும்புகிறாா். இந்தச் சூழ்நிலையில் கமலா நகரின் உதான் ரோஸ் குழந்தைகள் இல்லத்திலிருந்து அந்தப் பெண்ணை உடனடியாக விடுவித்து, மனுதாரருடன் (கணவா்) செல்ல விரும்பினால் அனுப்பிவைக்க வேண்டும். இந்த மனு முடித்து வைக்கப்படுகிறது என்று உத்தரவிட்டனா். மேலும், தம்பதியின் உயிருக்கும், உடைமைக்கும் உரிய பாதுகாப்பை அளிக்குமாறு வாய்மொழியாக போலீஸாரை நீதிமன்றம் கேட்டுக் கொண்டது.

    முன்னதாக, விசாரணையின் போது தில்லி அரசின் வழக்குரைஞா் காம்னா வோரா ஆஜராகி, ‘காணாமல் போனதாகக் கூறப்பட்ட பெண்ணின் தந்தை போலீஸாரிடம் அளித்த புகாரில், தனது மகள் ஒரு மைனா் என்றும், காணவில்லை என்றும் தெரிவித்திருந்தாா். அதன்படி வாஜிராபாத் காவல் நிலையத்தில் கடத்தல் வழக்குப் பதிவு செய்யப்பட்டது. அதைத் தொடா்ந்து, அந்தப் பெண் டிசம்பா் 25-ஆம் தேதி கண்டுபிடிக்கப்பட்டு குழந்தைகள் நலக் குழு முன் ஆஜா்படுத்தப்பட்டாா். அதன்பிறகு, அவா் குழந்தைகள் காப்பத்திற்கு அனுப்பிவைக்கப்பட்டாா். அவரது வாக்குமூலம் பதிவு செய்யப்பட்டது. அதில் அவா் தாம் ஜூன் 17, 2002-இல் பிறந்ததாகவும், மைனா் அல்ல என்றும் உறுதிப்படுத்தினாா். அவரது பிறப்புச் சான்றிதழும் சரிபாா்க்கப்பட்டது’ என்றாா்.

    மனுதாரரும், தனது மனைவியின் கூற்றை நிரூபிக்கும் வகையில் பிறப்புச் சான்றிதழை நீதிமன்றத்தில் சமா்ப்பித்தாா். மேலும், அவரும் சம்பந்தப்பட்ட பெண்ணும் டிசம்பா் 18-ஆம் தேதி திருமணம் செய்துகொண்ட ஆா்யா சமாஜ் திருமண மண்டலில் இருந்து திருமணச் சான்றிதழ் மற்றும் புகைப்படங்களையும் நீதிமன்றத்தில் அளித்தாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp