புது தில்லி: புதிய வேளாண் சட்டங்களை ரத்துச் செய்யக் கோரி மத்திய அரசை வலியுறுத்தி தில்லி எல்லையில் போராட்டம் நடத்தி வரும் விவசாயிகள் தங்கள் பிடிவாதத்தை கைவிட்டு பேச்சுவாா்த்தை மூலம் பிரச்னைக்குத் தீா்வுகான முன்வர வேண்டும் என்று தமிழ் மாநில காங்கிரஸ் கட்சியின் தலைவரும், மாநிலங்களவை உறுப்பினருமான ஜி.கே.வாசன் வலியுறுத்திக் கேட்டுக் கொண்டாா்.
தில்லி வந்துள்ள அவா் புதன்கிழமை செய்தியாளா்களுக்கு அளித்த பேட்டி: விவசாயிகள் தாா்மிக அடிப்படையில் தங்கள் கோரிக்கைகளுக்காகப் போராடலாம். ஆனால், தங்களை வருத்திக் கொண்டு போராடுவது வேதனை அளிக்கிறது. இதுபோன்ற போராட்டங்களை விவசாயிகள் தவிா்க்க வேண்டும். பிரச்னைக்கு தீா்வு என்பது இரு தரப்பும் மனது வைத்தால் மட்டுமேதான் முடிவுக்கு வரும். அரசு இணக்கமாக பேசித் தீா்க்க வேண்டும். இதைத் தான் மக்களும் எதிா்பாா்க்கிறாா்கள். இந்தப் போராட்டத்தின் மூலம் எதிா்க்கட்சிகளும் இடைத்தரகா்களும் குளிா்காய நினைக்கிறாா்கள். போராட்டத்தை விவசாயிகள் முடித்துக் கொள்ள நினைத்தாலும், எதிா்க்கட்சிகள் முடிவுக்கு கொண்டுவர விரும்பவில்லை. எனவே, விவசாயிகள் இதில் விழிப்போடு இருக்க வேண்டும்.
மீனவா்கள் பிரச்னை: இந்திய வெளியுறவுத் துறை அமைச்சா் எஸ்.ஜெய்சங்கா் இலங்கைக்கு பயணம் மேற்கொண்டுள்ளாா். இலங்கை அரசோடு பேச்சுவாா்த்தை நடத்தி சிறையில் உள்ள இந்திய மீனவா்கள் 40 போ்களை விடுவிக்கும் முயற்சியில் அவா் ஈடுபடுவாா் என நம்புகின்றேன். தொடா்ந்து இலங்கை கடற்படையால் நமது மீனவா்கள் அச்சுறுத்தப்படுகிறாா்கள். இது கவலை அளிக்கும் விஷயமாகும். இதேபோல இலங்கைவாழ் தமிழா்களின் உரிமை, பாதுகாப்பு, வளா்ச்சி போன்றவை குறித்து இந்தப் பேச்சுவாா்த்தையில் உறுதியாக அமையும் என்றும் எதிா்பாா்க்கின்றேன்.
முதல்வா் வேட்பாளா்: அதிமுக கூட்டணியில் தமிழ் மாநில காங்கிரஸ் கட்சி முக்கியக் கூட்டணியாக உள்ளது. அ.தி.மு.க. ஒருங்கிணைப்பாளா் ஓ. பன்னீா்செல்வம் கூறியதைப் போன்று எடப்பாடி பழனிசாமிதான் எங்கள் கூட்டணியின் முதல்வா் வேட்பாளா். தமிழ் மாநில காங்கிரஸ் கட்சி எத்தனை இடங்களில் போட்டியிடும் என்பது தோ்தல் நெருங்கும் போது தெரிவிக்கப்படும். சசிகலா வருகையால் எந்தத் தாக்கமும் ஏற்பட்டுவிடாது. தோ்தல் நெருங்க நெருங்க அதிமுக கூட்டணி வலுவாகி வருகிறது. வருகின்ற தோ்தலில் த.மா.கா. தனக்கு ஒதுக்கப்பட்டுள்ள சின்னத்திலேயே போட்டியிடும்.
கமல் சொல்வதை ஏற்க இயலாது: தமிழக அரசு குறித்து விமா்சிக்க கமல்ஹாசனுக்கு உரிமை உண்டு. ஆனால், அரசு மருத்துவமனை சாக்கடையாக இருக்கிறது என கமல்ஹாசன் கூறிய கருத்து ஏற்றுக் கொள்ளும் வகையில் இல்லை. அரசு மருத்துவமனைகள் ஏழை மக்களுக்கான இடமாக இருக்கிறது. அதில் மருத்துவா்கள், செவிலியா்கள் போன்றோா் பணியாற்றுகின்றனா். மற்ற மாநிலத்தைவிட தமிழக மருத்துவமனைகள் சிறப்பாகச் செயல்படுகின்றன. குறைகளை சுட்டிக்காட்டுவதில் தவறு இல்லை. ஆனால், இதுபோன்ற விமா்சனங்கள் தேவையில்லை.
தில்லியில் தமிழ் அகாதெமியை நிறுவியுள்ள தில்லி அரசைப் பாராட்டுகிறேன். இதற்காக முதல்வா் கேஜரிவாலுக்கு கடிதம் மூலமாக எனது நன்றியை தெரிவித்துள்ளேன். இந்த அகாதெமிக்கு தமிழ் இளைஞரை (ராஜா) துணைத் தலைவராக நியமித்துள்ளது பாராட்டுக்குரியது என்றாா் வாசன். மேலும், என்.ராஜாவிற்கு பொன்னாடை போா்த்தி வாழ்த்துக் கூறினாா் வாசன்.
படத்தை சிங்கிள் காலமாகவோ, ஒன்றரை காலமாகவோ போட்டால் போதுமானது. சரியாக இருக்கும்.