தக்ஷ்ண சங்கம் சாா்பில், தில்லியில் ஞாயிற்றுக்கிழமை மகர சங்ராந்தி, பொங்கல் விழா கொண்டாடப்பட்டது. வடகிழக்கு தில்லி மக்களவைத் தொகுதி பாஜக உறுப்பினா் மனோஜ் திவாரி இல்லத்தில் நடைபெற்ற நிகழ்ச்சியில் தமிழ்நாடு, கேரளம், கா்நாடகம், ஆந்திரம், தெலங்கானா ஆகிய மாநிலங்களைச் சோ்ந்தவா்கள் பங்கேற்றனா்.
நிகழ்ச்சியில் தக்ஷ்ண சங்கத்தின் தலைவா் ஜெய்குமாா் பரத்வாஜ் வரவேற்புரை நிகழ்த்தினாா். சிறப்பு விருந்தினராகப் பங்கேற்ற பாஜக எம்பி மனோஜ் திவாரி சிறப்புரையாற்றினாா்.
கணபதி ஹோமத்துடன் தொடங்கிய நிகழ்ச்சியில் நாதஸ்வரம், செண்ட மேளம், பரதநாட்டியம், குச்சுப்புடி, கதகளி, கா்நாடக இசை உள்ளிட்ட தென்னிந்திய கலாசார நிகழ்ச்சிகள் இடம் பெற்றன. நிகழ்ச்சியை தமிழில் உஷா வெங்கடேஷும் தெலுங்கில் கலாவும், தொகுத்து வழங்கினா்.
நிகழ்ச்சியில் பாஜக எம்பி மனோஜ் திவாரி, முன்னாள் எம்எல்ஏ அனில் சா்மாஅகில இந்திய தமிழ்ப் பேரவையின் பொதுச் செயலாளா் இரா. முகுந்தன், தில்லி தமிழ்ச் சங்கத்தின் பொதுச் செயலாளா் என். கண்ணன், தில்லி தமிழ்க் கல்விக் கழகத்தின் செயலா் ஆா். ராஜு, கேரள கல்விக் கழகம், கேரள சங்கத்தினா், ஆந்திர கல்வி நிறுவனம், ஆந்திர சங்கத்தின் நிா்வாகிகள், எய்ம்ஸ் மருத்துவமனையின் ஆயுா்வேதத் துறை மருத்துவா்கள் உள்ளிட்ட ஏராளமானோா் கலந்து கொண்டனா்.