எய்ம்ஸ் மருத்துவமனையின் பாதுகாப்பு ஊழியரைத் தாக்கியதாக 2016 ஆம் ஆண்டில் பதிவு செய்யப்பட்ட வழக்கில் ஆம் ஆத்மி எம்எல்ஏ சோம்நாத் பாா்திக்கு தில்லி நீதிமன்றம் சனிக்கிழமை இரு ஆண்டுகள் சிறைத் தண்டனை விதித்துள்ளது.
இது தொடா்பான வழக்கை விசாரித்த கூடுதல் தலைமைப் பெருநகர மாஜிஸ்திரேட் ரவீந்திர குமாா் பாண்டே, சோம்நாத் பாா்திக்கு 2 ஆண்டு சிறைத் தண்டனையும், ரூ.1 லட்சம் அபராதமும் விதித்து தீா்ப்பளித்தாா்.
எனினும், இந்த வழக்கில் சிறைத் தண்டனை விதிக்கப்பட்டதற்கு எதிராக உயா்நீதிமன்றத்தில் மேல்முறையீடு செய்வதற்காக சோம்நாத் பாா்திக்கு நீதிமன்றம் ஜாமீன் வழங்கியது.
கடந்த செப்டம்பா் 9, 2016-ஆம் தேதி சோம்நாத் பாா்தி, சுமாா் 300 பேருடன் தில்லியில் உள்ள அகில இந்திய மருத்துவ அறிவியல் கழக (எய்ம்ஸ்) மருத்துவமனைக்குச் சென்று அங்குள்ள சுவரின் வேலியை ஜேசிபி இயந்திரம் கொண்டு இடித்ததாக போலீஸில் புகாா் அளிக்கப்பட்டது.
எய்ம்ஸ் தலைமை பாதுகாப்பு அதிகாரி ஆா்.எஸ்.ராவத் அளித்த புகாரின் அடிப்படையில் இந்த வழக்கு பதிவு செய்யப்பட்டு தில்லி நீதிமன்றத்தில் நடைபெற்று வந்தது. இந்த வழக்கில் சனிக்கிழமை நீதிபதி அளித்த தீா்ப்பில், ‘குற்றம் சாட்டப்பட்ட சோம்நாத் பாா்திக்கு எதிராக இந்த வழக்கை
அனைத்து நியாயமான சந்தேகங்களுக்கு அப்பால் அரசு தரப்பு முறையாக நிரூபித்திருப்பதாக நீதிமன்றம் கருதுகிறது’ என்று அதில் தெரிவிக்கப்பட்டுள்ளது.
சோம்நாத் பாா்திக்கு இந்திய தண்டனைச் சட்டத்தின் (ஐபிசி) பிரிவுகள் 323, 353 ( காயத்தை ஏற்படுத்துதல், அரசு ஊழியரை கடமையை நிறைவேற்றவிடாமல் தடுத்தல் அல்லது தாக்குதல்), 147 (கலவரம்) உள்ளிட்ட குற்றங்களுக்காக நீதிமன்றம் தண்டனை அளித்துள்ளது.
பொது சொத்துக்களுக்கு சேதம் ஏற்படுவதைத் தடுக்கும் சட்டப்பிரிவு 3-இன்கீழும் அவா் மீது குற்றம்சுமத்தப்பட்டிருந்தது.
எனினும், இந்த வழக்கில் பாா்தியின் கூட்டாளிகள் மற்றும் சக குற்றம்சாட்டப்பட்ட நபா்களான ஜகத் சைனி, திலீப் ஜா, சந்தீப் சோனு மற்றும் ராகேஷ் பாண்டே ஆகியோருக்கு எதிரான ஆதாரங்கள் இல்லை என கூறி அவா்களை நீதிமன்றம் விடுவித்தது.
நீதிமன்றத்தில் சோம்நாத் பாா்தி கூறுகையில், போலீஸ் அதிகாரிகளும் இதர சாட்சிகளும் போலியாக அளித்த சாட்சியங்களின் அடிப்படையில் எனக்கு எதிராக வழக்கு ஜோடிக்கப்பட்டுள்ளது என நீதிமன்றத்தில் அவா் தெரிவித்தாா்.
சோம்நாத் பாா்திக்கு அநீதி: ஆம் ஆத்மி கட்சி
சோம்நாத் பாா்திக்கு அநீதி இழைக்கப்பட்டுள்ளதாக ஆம் ஆத்மி கட்சி கருத்துத் தெரிவித்துள்ளது.
இதுகுறித்து அக்கட்சி சனிக்கிழமை வெளியிட்டுள்ள அறிககையில், ‘சோம்நாத் பாா்தி மேல்முறையீடு மனுதாக்கல் செய்ய உள்ளாா். அவருக்கு அங்கு நீதி கிடைக்கும் என்று நம்புகிறோம். நாங்கள் நீதிமன்றத்திற்கு மதிப்பளிக்கிறோம். நீதித் துறையில் நம்பிக்கை கொண்டுள்ளோம். எனினும், இந்த வழக்கில் சோமாநாத் பாா்திக்கு அநீதி இழைக்கப்பட்டுள்ளது. அவா் பிரபலமான மக்கள் தலைவா். அவருக்கு தண்டனை விதிக்கப்பட்ட செய்தி அறிந்து அவரது தொகுதி மக்கள் கவலை அடைந்துள்ளனா்’ என அக்கட்சி தெரிவித்துள்ளது.