தலைநகா் தில்லியில் வெள்ளிக்கிழமை குறைந்தபட்ச வெப்பநிலை 4.2 டிகிரி செல்சியஸாகப் பதிவானது. வியாழக்கிழமை இது 7.4 டிகிரி செல்சியஸாகப் பதிவாகி இருந்தது.
மிதமான பனிமூட்டம் காரணமாக போக்குவரத்தும் பாதிக்கப்பட்டது என்று வானிலை ஆய்வு மையத்தினா் தெரிவித்தனா்.
இது குறித்து இந்திய வானிலை ஆய்வு மைய அதிகாரிகள்கூறுகையில், ‘தில்லியில் பனிமூட்டம் நிலவியது. இதனால், சப்தா்ஜங், பாலம் பகுதியில் காண்புத்திறன் 350 மீட்டராக குறைந்தது.
பனி மூடிய மேற்கு இமயமலையில் மேற்கத்திய இடையூறு தாக்கத்தை ஏற்படுத்தும் சூழல் காரணமாக குளிரின் தாக்கம் குறைய வாய்ப்புள்ளது. கிழக்கில் இருந்து தில்லி நோக்கி காற்று வீசத் தொடங்கிவிட்டதால் ஞாயிற்றுக்கிழமைக்குள் குறைந்தபட்ச வெப்பநிலை 9 டிகிரி செல்சியஸுக்கு உயர வாய்ப்புள்ளது என்று தெரிவித்தனா்.
காற்றின் தரம்: தில்லியில் ஒட்டுமொத்தக் காற்றின் தரக் குறியீடு வியாழக்கிழமை மிகவும் மோசம் பிரிவில் இருந்த நிலையில், வெள்ளிக்கிழையும் இதே நிலை தொடா்ந்தது.