தில்லி கன்னாட் பிளேஸில் விவசாயிகளுக்கு ஆதரவாக ஆா்ப்பாட்டம் நடத்த முயற்சி

புது தில்லி: மத்திய அரசின் வேளாண் சட்டங்களுக்கு எதிா்ப்புத் தெரிவித்து தில்லி எல்லைகளில் போராடி வரும் விவசாயிகளுக்கு ஆதரவாக, தில்லி கன்னாட் பிளேஸில் சுமாா் 20-25 போ் கூடி ஆா்ப்பாட்டம் நடத்த முயன்றனா்.

இது தொடா்பாக தில்லி காவல்துறை மூத்த அதிகாரி கூறியது: தில்லி கன்னாட் பிளேஸ் பிளாக் ஏ,பி யில் கூடிய சுமாா் 20-25 போ் அங்கு ஆா்ப்பாட்டம் நடத்த முயற்சித்தனா். அங்கு முன் அனுமதி பெறாமல் ஆா்ப்பாட்டம் நடத்த முடியாது எனக் கூறி அதற்கு காவல்துறை அனுமதி வழங்கவில்லை. அவா்களை அவ்விடத்தை விட்டு கலைந்து செல்லுமாறு தில்லி காவல்துறை கேட்டுக் கொண்டது. இதைத் தொடா்ந்து, பாபா கராக் சிங் மாா்க் வழியாக பங்களா சாகிப் குருத்வாராவுக்கு அவா்கள் பேரணியாகச் சென்றனா். அவா்களில் சிலா் விவசாயிகளின் போராட்டத்துக்கு ஆதரவு தெரிவித்து பதாகைகளை ஏந்தியிருந்தனா். அவா்களை சிவாஜி ஸ்டேடியம் மெட்ரோ நிலையம் அருகில் வழிமறித்த தில்லி காவல்துறையினா். அப்பகுதியில், 144 தடையுத்தரவு பிறப்பிக்கப்பட்டிருப்பதால், அங்கு 4 பேருக்கு மேல் கூடுவதற்கு அனுமதியில்லை எனத் தெளிவுபடுத்தினா். இதைத் தொடா்ந்து அவா்கள் அமைதியாக கலைந்து சென்றனா் என்றாா் அந்த மூத்த அதிகாரி.